قازاقستان رەسپۋبليكاسىنىڭ مەملەكەتتiك قىزمەتى – مەملەكەتتiك قىزمەتشiلەردiڭ مەملەكەتتiك ورگانداردا مەملەكەتتiك بيلiكتiڭ مiندەتتەرi مەن فۋنكسيالارىن iسكە اسىرۋعا باعىتتالعان لاۋازىمدىق وكiلەتتiكتەردى اتقارۋ ءجونiندەگi قىزمەتi ەكەنى بەلگىلى.
قازاقستان رەسپۋبليكاسىنىڭ مەملەكەتتىك قىزمەتشىسى – مەملەكەت پەن قوعام اراسىنداعى بايلانىستىرۋشى نەگىزگى تۇلعا. ولار ەلدىڭ دامۋىنا، حالىقتىڭ ءال-اۋقاتىن ارتتىرۋعا جانە مەملەكەتتىك ساياساتتى جۇزەگە اسىرۋعا جاۋاپتى ازاماتتار بولىپ تابىلادى.
مەملەكەتتىك قىزمەت – بۇل تەك جۇمىس ورنى عانا ەمەس، ۇلكەن جاۋاپكەرشىلىك پەن حالىققا ادال قىزمەت ەتۋدىڭ ۇلگىسى. مەملەكەتتىك قىزمەتشى ءوز ىسىندە كاسىبيلىكتى، ادىلدىكتى، اشىقتىقتى جانە ادالدىقتى باستى قاعيدا رەتىندە ۇستانۋى قاجەت.
قازاقستان رەسپۋبليكاسىنىڭ «مەملەكەتتىك قىزمەت تۋرالى» زاڭىندا مەملەكەتتىك قىزمەتتىڭ كەلەسى نەگىزگى پرينسيپتەرى ناقتى ايقىندالعان.
1) زاڭدىلىق؛
2) قازاقستاندىق پاتريوتيزم؛
3) مەملەكەتتiك قىزمەت جۇيەسiنiڭ بiرتۇتاستىعى؛
4) ازاماتتار قۇقىقتارىنىڭ، بوستاندىقتارىنىڭ جانە زاڭدى مۇددەلەرiنiڭ مەملەكەت مۇددەلەرi الدىنداعى باسىمدىعى؛
5) مەملەكەتتىك ورگاندار قىزمەتىندەگى تيىمدىلىك، ناتيجەلىلىك، اشىقتىق؛
6) ازاماتتاردىڭ مەملەكەتتiك قىزمەتكە قول جەتكiزۋگە تەڭ قۇقىعى؛
7) ازاماتتاردىڭ مەملەكەتتiك قىزمەتكە كiرۋiنiڭ ەرiكتiلiگi؛
8) مەملەكەتتiك قىزمەتشiلەردiڭ كاسiبيلiگi؛
9) مەريتوكراتيا – مەملەكەتتىك قىزمەتشىنىڭ ەڭبەگى مەن قابىلەتىنە قاراي ءوسۋءى؛
10) جوعارى تۇرعان مەملەكەتتiك ورگاندار مەن لاۋازىمدى ادامدار ءوز وكiلەتتiكتەرi شەگiندە قابىلداعان شەشiمدەردi ورىنداۋدىڭ مەملەكەتتىك قىزمەتشىلەرi ءۇشiن مiندەتتiلiگi؛
11) مەملەكەتتiك قىزمەتشiلەردiڭ باقىلاۋدا بولۋى جانە ەسەپتiلiگi؛
12) مەملەكەتتiك قىزمەتشiلەردiڭ لاۋازىمدىق مiندەتتەرiن ورىنداماعانى ءۇشiن جەكە جاۋاپتىلىعى؛
13) ادەپتىلىك؛
14) قۇقىق بۇزۋشىلىقتارعا توزبەۋشىلىك؛
15) مەملەكەتتiك قۇپيالاردى نەمەسە زاڭمەن قورعالاتىن وزگە دە قۇپيانى قۇرايتىن قىزمەتتi قوسپاعاندا، قوعامدىق پiكiر مەن جاريالىلىقتى ەسكەرۋ؛
16) مەملەكەتتiك قىزمەتشiلەردiڭ قۇقىقتىق جانە الەۋمەتتiك قورعالۋى؛
17) ءمانi بiردەي جۇمىستاردى ورىنداعانى ءۇشiن ەڭبەكاقىنى تەڭ تولەۋ؛
18) مەملەكەتتiك قىزمەتشiلەردi ءمىنسىز مەملەكەتتىك قىزمەتى ءۇشiن كوتەرمەلەۋ؛
19) مەملەكەتتىك قىزمەتشىلەردى وقىتۋدىڭ جانە قاجەتتى قۇزىرەتتەرىن دامىتۋدىڭ ءۇزىلىسسىز بولۋى؛
20) مەملەكەتتىك قىزمەتشىلەردى بىلىكتىلىگىن ارتتىرۋدىڭ پراكتيكالىق باعدارلانۋى قاعيداتتارىنا نەگىزدەلەدى.
بۇگىنگى تاڭدا ەلىمىزدە مەملەكەتتىك باسقارۋ جۇيەسىن جاڭعىرتۋ، سيفرلاندىرۋ، حالىقپەن ءتيىمدى بايلانىس ورناتۋ باعىتىندا كوپتەگەن رەفورمالار جۇزەگە اسۋدا. بۇل وزگەرىستەردىڭ باستى ماقساتى – حالىقتىڭ سەنىمىنە يە، اشىق ءارى ءتيىمدى مەملەكەتتىك اپپارات قالىپتاستىرۋ.
مەملەكەتتىك قىزمەتشىنىڭ باستى مىندەتى – ەل يگىلىگى ءۇشىن ەڭبەك ەتۋ، حالىقتىڭ مۇددەسىن قورعاۋ جانە قوعامدا ادىلدىك ورناتۋ. ءاربىر قىزمەتشى ءوز ءىسىنىڭ ناتيجەسى ارقىلى مەملەكەت بەدەلىن كوتەرۋگە ۇلەس قوسادى.
سوندىقتان دا مەملەكەتتىك قىزمەتشى بولۋ – زور مارتەبە ءارى ۇلكەن جاۋاپكەرشىلىك. ەل تاعدىرىنا بەيجاي قارامايتىن، وتانىنا ادال، كاسىبي جانە ىزگىلىكتى ازاماتتار عانا بۇل جولدى تاڭداي الادى.