جاس بويىنشا ەڭ جوعارى كۇنكورىس دەڭگەيى 14-17 جاس ارالىعىنداعى ءجاسوسپىرىم ۇلدارعا تيەسىلى. ولارمەن قۇرداس قىزداردىڭ ۇلەسى 30%-عا تومەن.
اعىمداعى جىلدىڭ قاڭتار ايىندا ەڭ تومەنگى كۇنكورىس دەڭگەيى 38،2 مىڭ تەڭگەنى قۇرادى، بۇل ءبىر جىل بۇرىنعى كورسەتكىشتەن 12،7 پايىزعا ارتىق، دەپ حابارلايدى Almaty-akshamy.kz Finprom.kz سايتىنا سىلتەمە جاساپ.
2018 جىلمەن سالىستىرعاندا، ەڭ تومەنگى كۇنكورىس دەڭگەيى 47،4%-عا، 2013 جىلدان باستاپ ەسەپتەگەندە، 2،2 ەسەگە ءوستى.
انىقتاما ءۇشىن: 2021 جىلدىڭ قاڭتارىندا كۇنكورىس مينيمۋمى جىلىنا 12،7%-عا ءوسىپ، 33،9 مىڭ تەڭگەنى قۇرادى.
وڭىرلىك تۇرعىدا ەڭ جوعارى كۇنكورىس دەڭگەيى ءداستۇرلى تۇردە ماڭعىستاۋ وبلىسىندا ساقتالعان: 41،9 مىڭ تەڭگە – بۇل ءبىر جىل بۇرىنعىدان 7،8%-عا ارتىق. ودان كەيىنگى ورىندا ەلوردا (41،2 مىڭ تەڭگە) جانە الماتى (39،9 مىڭ تەڭگە) كەلەدى. سونىمەن قاتار ۇزدىك بەستىككە الماتى (39،5 مىڭ تەڭگە) جانە اقمولا (38،6 مىڭ تەڭگە) وبلىستارى دا كىرەدى.
ەڭ تومەنگى كۇنكورىس دەڭگەيى اقتوبە مەن باتىس قازاقستان وبلىستارىندا، سونداي-اق شىمكەنتتە تىركەلدى.
ەرلەرگە تيەسىلى ەڭ تومەنگى كۇنكورىس دەڭگەيى بارلىق جاس ساناتىنداعى ايەلدەردىڭ ەڭ تومەنگى كۇنكورىس دەڭگەيىنەن ايتارلىقتاي جوعارى.
بۇل رەتتە ەرلەر اراسىندا ەڭ جوعارى كورسەتكىش 14-17 جاس ارالىعىنداعى ۇلداردا (48،2 مىڭ تەڭگە)، ەڭ تومەنگى كورسەتكىش التى ايدان ءبىر جاسقا دەيىنگى ءسابي ۇلداردا (25،1 مىڭ تەڭگە) بايقالادى.
ءدال وسى جاس مولشەرىندەگى ايەلدەردىڭ ەڭ تومەنگى كۇنكورىس دەڭگەيى 14-17 جاس ارالىعىنداعى قىزدار ءۇشىن نەبارى 36،9 مىڭ تەڭگە بولسا، التى ايدان ءبىر جاسقا دەيىنگى سابيلەر ءۇشىن 23،6 مىڭ تەڭگەنى قۇرايدى.
