ەل قۇراماسى دامۋ كۋبوگىنىڭ فينالىنا شىقتى
بەلارۋس استاناسى مينسكىدە ءوتىپ جاتقان حالىقارالىق تۋرنيردە 17 جاسقا دەيىنگى قازاقستان جاسوسپىرىمدەر قۇراماسى توپتىق كەزەڭنىڭ شەشۋشى ويىنىندا جارىس يەلەرى بەلارۋس فۋتبولشىلارىمەن كەزدەسىپ، 1:0 ەسەبىمەن جەڭىسكە جەتتى، دەپ حابارلايدى Almaty-akshamy.kz.
كەزدەسۋدە سوعىلعان جەڭىس گولىنىڭ اۆتورى – ءىلياس ءابىل. قازاقستان قۇراماسىنىڭ جارتىلاي قورعاۋشىسى تۋرنيردەگى ەكىنشى گولىن سوقتى.
الەكساندر كۋزنەسوۆ شاكىرتتەرى ءۇش ويىن قاتارىنان جەڭىسكە جەتىپ، ءوز توبىندا ءبىرىنشى ورىن الدى. توپتىق كەزەڭدە بارلىق كەزدەسۋدە جەڭىسكە جەتىپ، قاقپاسىنا گول وتكىزبەگەن تۋرنيردەگى جالعىز كوماندا ەكەنىن ايتا كەتكەن ءجون.
ءبىزدىڭ جاسوسپىرىمدەر ءبىرىنشى ورىنعا رەسەي U-17 قۇراماسىمەن تالاسادى. فينال استانا ۋاقىتىمەن 11 اقپان كۇنى 20:00-دە باستالادى.
بەلارۋس U-17 – قازاقستان U-17 – 0:1 (0:0)
گول: ءابىل 46.