باس ءمۇفتي يندونەزيا عۇلامالار كەڭەسىمەن بىرلەسكەن مالىمدەمەگە قول قويدى.
ءوزارا بىرلەسكەن مالىمدەمە 2023-2026 جىلداردى قامتيدى، دەپ حابارلايدى Almaty-akshamy.kz Elorda.info سايتىنا سىلتەمە جاساپ.
يندونەزيا استاناسى جاكارتا قالاسىندا قمدب ءتوراعاسى، باس ءمۇفتي ناۋرىزباي قاجى تاعان ۇلى وسى ەلدىڭ عۇلامالار كەڭەسى باس ءتوراعاسىنىڭ مىندەتىن ۋاقىتشا اتقارۋشى دوكتور مارسۋدي سۋحۋد مىرزامەن كەزدەستى.
«كەزدەسۋ بارىسىندا بىرلەسكەن مالىمدەمەگە قول قويىلدى. وندا قمدب مەن يندونەزيا عۇلامالار كەڭەسى الەمدەگى بەيبىتشىلىكتى ساقتاۋ، يسلام ءدىنىنىڭ وركەندەۋىنە ۇلەس قوسۋ، ءوزارا ەكىجاقتى ۆەبينار، كونفەرەنسيا، سەمينار ۇيىمداستىرۋ قامتىلدى. ءوزارا بىرلەسكەن مالىمدەمە 2023-2026 جىلداردى قامتيتىنىن ايتا كەتكەن ءجون»، - دەپ جازىلعان قمدب حابارلاماسىندا.
بىرلەسكەن مالىمدەمەنى جۇزەگە اسىرۋ باعدارلاماسى ەكىجاقتى تاراپپەن ارنايى كەلىسكەن تۇردە ناقتىلانادى. ەكى تاراپ تا ىنتىماقتاستىقتى ارتتىرىپ، يسلام ءدىنىن الەمگە ناسيحاتتاۋ، ونىڭ ىشىندە ازيا ايماعىندا جاڭعىرتۋعا نيەتتى.
سونداي-اق مالىمدەمەگە سايكەس عۇلامالار كەڭەسىنىڭ بىرلەسكەن جيىنىن وتكىزۋ، مۇسىلمان عالىمدار، ايەلدەر مەن جاستاردىڭ پىكىر الماسۋىن قامتاماسىز ەتۋ كوزدەلگەن. زەرتتەۋلەر مەن جاريالانىمدار جاساۋ، ستۋدەنتتەرگە ءدارىس بەرۋ جانە كەڭەس مۇشەلەرىنىڭ تاجىريبە الماسۋى قاراستىرىلعان.