قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ رەسەي فەدەراسياسىنا ەكسپورتتى ارتتىرۋعا دايىن ەكەنىن مالىمدەدى، دەپ حابارلايدى Almaty-akshamy.kz.
«قازىرگى تاڭدا وندىرىستىك قۋاتىمىزدى دامىتا وتىرىپ، ءبىز ءوزارا ءتيىمدى نەگىزدە شەتەلدىك ونىمدەردىڭ كوپتەگەن تۇرلەرىن بىر-بىرىمەن الماستىرا الامىز. ەكسپورتتىق-يمپورتتىق وپەراسيالاردى تالداۋ بۇل باعىتتا كەڭ مۇمكىندىكتەر بارىن كورسەتەدى»، - دەدى قاسىم-جومارت توقايەۆ بۇگىن استانادا ءوتىپ جاتقان «ورتالىق ازيا-رەسەي» سامميتىندە.
وسىعان بايلانىستى پرەزيدەنت مىسالدار كەلتىردى.
«ماسەلەن، قازاقستان ورتالىق ازيا ەلدەرىنە ەكسپورتتى 1 ملرد دوللارعا ارتتىرۋعا دايىن. سونداي-اق قازاقستاندىق ونىمدەردى رەسەي فەدەراسياسىنا جەتكىزۋدى 1 ميلليارد دوللاردان استام كولەمدە ۇلعايتا الامىز. ءوڭىردىڭ باسقا مەملەكەتتەرىندە دە وسىنداي رەسۋرستار بار ەكەنىنە سەنىمدىمىن»، - دەپ تۇيىندەدى ءسوزىن مەملەكەت باسشىسى.