بۇل تۋرالى ساۋدا جانە ينتەگراسيا ءمينيسترى سەرىك جۇمانعارين مالىمدەدى.
رەسەيمەن شەكارادا قازاقستاندىقتار مەن ازىق-تۇلىك تاسىمالدايتىن كولىكتەر ءۇشىن جاسىل ءدالىز قۇرۋ جوسپارلانىپ وتىر، دەپ حابارلايدى Almaty-akshamy.kz.
ول قازاقستانعا كەلگەن رەسەيلىكتەردىڭ سانى ەل حالقىمەن سالىستىرعاندا از ەكەنىن جانە بۇل ولاردىڭ ازىق-تۇلىك قاۋىپسىزدىگىنە اسەر ەتپەيتىنىن ءتۇسىندىردى.
«ايماقتىق ديسپروپورسيالار بولۋى مۇمكىن، ءبىراق ءقازىر بۇل ماسەلەلەردى شەشىپ جاتىرمىز. كەشە مەملەكەتتىك ورگاندارمەن، سونىڭ ىشىندە قۇقىق قورعاۋ ورگاندارىمەن كەڭەس وتكىزدىم. رەسەي پرەمەر-مينيسترىنىڭ ورىنباسارىمەن دە سويلەستىم. سەبەبى شەكارانىڭ ارعى جاعىندا قازاقستاندىق ازاماتتار دا، ازىق-تۇلىك كولىكتەرى دە وتە الماي تۇر. كەلىسكەن سياقتىمىز، ول ءتيىستى ەرەجە جاسادى. بۇگىن شەكارا قىزمەتتەرى بىر-بىرىمەن سويلەسەدى. ولار ءبىزدىڭ ازاماتتار مەن ازىق-تۇلىك كولىكتەرى ءۇشىن جاسىل ءدالىز جاساۋعا تىرىسادى. بۇل ماسەلەدە ۇلكەن پروبلەمالاردى كورمەيمىن»، - دەدى جۇمانعارين.