مەملەكەتتىك كىرىستەر كوميتەتى وسى جىلدىڭ 1 قاراشاسىنان باستاپ قازاقستان-رەسەي شەكاراسىندا «بيدايىق» اۆتوموبيل وتكىزۋ پۋنكتىندە (سولتۇستىك قازاقستان وبلىسى) ەلەكتروندىق كەزەك جۇيەسى قولدانىلاتىنىن ەسكە سالادى.
سەرۆيس Qoldau.kz سيفرلىق پلاتفورما بازاسىندا جانە تەگىن ىسكە اسىرىلادى، دەپ حابارلايدى اlmaty-akshamy.kz.
ەلەكتروندىق كەزەك شەكارادان ءوتۋدىڭ جەدەلدەتەدى. ءارى اشىقتىقتى ۇستانۋدىڭ ۇلگىسى. سونىمەن قاتار، جۇك اۆتوماشينالارىنىڭ كەنزەككە تۇرىپ قالۋىن بولدىرمايدى. ەلەكتروندىق كەزەكتى ەنگىزۋدى تاسىمالداۋشىلار وڭ باعالاۋدا – ەلەكتروندىق كەزەك ەنگىزىلگەننەن باستاپ «بيدايىق» وتكىزۋ پۋنكتىندە 1 مىڭنان استام جۇك اۆتوماشينا الدىن الا كەزەك العان. وڭ ناتيجەلەردى ەسكەرە وتىرىپ، رەسەي فەدەراسياسىمەن شەكاراداعى 7 اۆتوموبيل باقىلاۋ-وتكىزۋ پۋنكتىندە قوسىمشا ەلەكتروندىق كەزەكتى قولدانۋ جوسپارلانعان.
سونىمەن: 2024 جىلعى 15 قاڭتاردان باستاپ «قاراشاتاۋ» (اقتوبە وبل.) جانە «جەزكەنت» (اباي وبل.) باقىلاۋ-وتكىزۋ پۋنكتى؛
2024 جىلعى 31 قاڭتاردان باستاپ «ۇبە» (شىعىس قازاقستان وبل.) جانە «اقساي» (باتىس قازاقستان وبل.) باقىلاۋ-وتكىزۋ پۋنكتى؛
2024 جىلعى 15 اقپاننان باستاپ «وباعان» (قوستاناي وبل.) جانە «نايزا» (پاۆلودار وبل.) باقىلاۋ-وتكىزۋ پۋنكتى؛
2024 جىلعى 30 ساۋىردەن باستاپ «قۇرمانعازى» باقىلاۋ-وتكىزۋ پۋنكتى (اتىراۋ وبل.).
وسىعان بايلانىستى، اتالعان اۆتوموبيل وتكىزۋ پۋنكتتەرى ارقىلى قازاقستان اۋماعىنان شىعۋدى جوسپارلاعان تاسىمالداۋشىلار «CarGoRuqsat» قوسىمشاسى ارقىلى ەلەكتروندىق كەزەكتەن الدىن الا ورىن الۋى قاجەت. ول ءۇشىن https://cgr.qoldau.kz/ru/start سىلتەمە بويىنشا ءوتۋ كەرەك، «CarGoRuqsat» قوسىمشاسىنا تىركەلۋ جانە كىرۋ، قاجەتتى باقىلاۋ-وتكىزۋ پۋنكتىن تاڭداۋ، شەكارادان كەسىپ ءوتۋ كۇنى مەن ۋاقىتىن كورسەتۋ جانە جۇرگىزۋشى مەن اۆتوكولىك تۋرالى دەرەكتەردى تولتىرۋ. ءوتىنىم ماقۇلدانعاننان كەيىن شەكارادان ءوتۋ ءۇشىن باقىلاۋ-وتكىزۋ پۋنكتىنە كورسەتىلگەن ۋاقىتىندا جەتۋى قاجەت. كۇتپەگەن جاعدايلاردى بولدىرماۋ ءۇشىن مەملەكەتتىك كىرىستەر كوميتەتى تاسىمالداۋشىلاردى ەلەكتروندىق كەزەكتى الدىن الا برونداۋعا شاقىرادى.
بارلىق سۇراقتار بويىنشا مكك سall-ورتالىعىنا 1414، 8-800-080-7777 تەلەفوندارى ارقىلى حابارلاسۋعا بولادى.