تجب شەكتەۋلەرىن الىپ تاستاعان جاعدايدا شتاتتىق جۇمىس رەجيمىنە كوشۋگە دايىن.
كوروناۆيرۋس ينفەكسيانىڭ تارالۋىنا توسقاۋىل قويۋ ماقساتىندا قحر ۇكىمەتى دوستىق-الاشانكوۋ جانە التىنكول-قورعاس شەكارالىق وتكەلدەرىندە الدىن الۋ جانە باقىلاۋ شارالارىن كۇشەيتتى، دەپ حابارلايدى Almaty-akshamy.kz «قازاقستان تەمىر جولى» كومپانياسىنا سىلتەمە جاساپ.
كوروناۆيرۋس ينفەكسيانىڭ تارالۋىنا توسقاۋىل قويۋ ماقساتىندا قحر ۇكىمەتى دوستىق-الاشانكوۋ جانە التىنكول-قورعاس شەكارالىق وتكەلدەرىندە الدىن الۋ جانە باقىلاۋ شارالارىن كۇشەيتتى. 15 تامىزدان باستاپ الاشانكوۋ ستانسياسىندا (قحر) Covid-19 ىندەتىنىڭ جاڭاشا قارقىن الۋىنا بايلانىستى جۇڭگو تاراپى تەك كونتەينەرلىك پويىزداردى قابىلداپ، قىتاي-ەۋروپا-قىتاي ترانزيتتىك ءدالىزى بويىنشا وتەتىن جۇكتەرگە باسىمدىق بەرە وتىرىپ، پويىزداردى قابىلداۋدى/جونەلتۋدى شەكتەدى.
قازىرگى ۋاقىتتا ق ر ييدم «قتج» ۇك» اق-مەن بىرلەسىپ وسى ماسەلەنى شەشۋ ءۇشىن بارلىق قاجەتتى شارالاردى قابىلداۋدا:
-جۇكتەردىڭ 80%-ىن التىنكول-قورعاس ستانسياسىنا قايتا باعىتتاۋ؛
- كونتەينەرلىك جۇكتەر ۇلەسىنىڭ ارتۋى؛
- «قتج» ۇك» اق جانە ءۇرىمشى تەمىر جولى باسشىلىعى دەڭگەيىندە اپتا سايىنعى كەزدەسۋلەر جانە شەكارا ماڭىنداعى ستانسيالار باستىقتارى دەڭگەيىندە كۇندەلىكتى كەڭەستەر وتكىزۋ.
كەلىسسوزدەر قورىتىندىسى بويىنشا، ءۇرىمشى تەمىر جولىنىڭ باسشىلىعى قازىرگى ۋاقىتتا وسى ماسەلە بويىنشا جەرگىلىكتى ۇكىمەتپەن جۇمىس جۇرگىزىلىپ جاتىر دەپ مالىمدەدى. تجب شەكتەۋلەرىن الىپ تاستاعان جاعدايدا شتاتتىق جۇمىس رەجيمىنە كوشۋگە دايىن.
8 ايدىڭ قورىتىندىسى بويىنشا ق ر مەن قحر اراسىنداعى جۇك تاسىمالى 14،4 ملن توننانى قۇراپ، 2% - عا ارتتى، ونىڭ ىشىندە كونتەينەرلىك تاسىمال – 579 مىڭ جفە، وتكەن جىلدىڭ سايكەس كەزەڭىمەن سالىستىرعاندا 35% - عا ارتتى.
جاعداي ق ر ۇكىمەتىنىڭ تۇراقتى باقىلاۋىندا.