قازاقستان-قىرعىز شەكاراسىندا «قاراسۋ» جانە «ايشا ءبيبى» وتكىزۋ پۋنكتتەرىندە تەمەكىنى زاڭسىز الىپ وتۋشىلەردىڭ ارەكەتتەرى انىقتالدى، دەپ حابارلايدى aqshamnews.kz.
مۇنداي كونتراباندالىق تاۋار الىپ ءوتۋ ارەكەتتەرىن 26 قىركۇيەكتە مەملەكەتتىك كىرىستەر ورگاندارى مەن ۇقك شەكارا قىزمەتىنىڭ قىزمەتكەرلەرى ۇستادى.
ادەتتەگىدەي جۇمىس كۇنىندە «قاراسۋ» وتكىزۋ پۋنكتىنە بولگار بۇرىشىن تاسىمالداۋشى رەفرەجەراتورى بار جۇك كولىگى كەلەدى. الايدا تەكسەرۋ جۇرگىزگەندە كولىككە جاسىرىلعان تەمەكى تابىلادى. وسىلايشا «Oris»، «Parlament»، «Zumerret» ماركالى جاريالانباعان 180 مىڭنان استام قوراپ تەمەكى تابىلعان.
ءدال سول كۇنى، «ايشا ءبيبى» وتكىزۋ پۋنكتىندە بۇرشاق ارتقان كولىكتەن جاريالانباعان 15 مىڭ قوراپ «Oris» تەمەكىسى انىقتالدى.
بارلىق تەمەكى ونىمدەرىندە اكسيزدەلەتىن ءونىم ءۇشىن كوزدەلگەن سايكەستەندىرۋ قۇرالدارى جوق. ءىس جۇرگىزۋ شەشىمىن قابىلداۋ ءۇشىن بارلىق ماتەريالدار جامبىل وبلىسى بويىنشا ەكونوميكالىق تەرگەۋ دەپارتامەنتىنە تاپسىرىلاتىن بولادى.