قازاقستان قۇراماسى يراك كومانداسىنان 3:0 ەسەبىمەن باسىم ءتۇستى
بۇگىن كاتار استاناسى دوحادا ۇستەل تەننيسىنەن ازيا بىرىنشىلىگى باستالدى. ءبىرىنشى جارىس كۇنىن سپورتشىلار كوماندالىق تۋرنيردەن باستادى، دەپ حابارلايدى Almaty-akshamy.kz Olympic.kzى-كە سىلتەمە جاساپ.
قازاقستان ەرلەر كومانداسى يراك، يوردانيا، مالديۆ رەسپۋبليكاسىمەن ءبىر توپتا وينايدى. ال قىزدار كوماندسى بانگلادەش جانە شري-لانكامەن كەزدەسەدى. جارىستىڭ نەگىزگى بولىگىنە جولداما الۋ ءۇشىن قازاقستاندىقتار ءوز توبىندا ءبىرىنشى ورىن الۋى ءتيىس. ال نەگىزگى بولىمدە جاپونيا، كورەيا، گونكونگ، سينگاپۋر، ءۇندىستان، يران جانە تايپەي كوماندالارى كۇتۋدە.
ەرلەر اراسىنداعى سىندا قازاقستان كومانداسى يراكتى 3:0 ەسەبىمەن ۇتتى. بۇگىن ولار توپتاعى ەكى ويىندى دا وتكىزەدى.
ايتا كەتەلىك، ازيا چەمپيوناتىندا قازاقستان نامىسىن كيريلل گەراسيمەنكو، الان قۇرمانعالييەۆ، ايدوس كەنجەعۇلوۆ، ىرىسبەك ارتىقمەتوۆ، سارۆينوز ميركاديروۆا، اناستاسيا لاۆروۆا، زاۋرەش اقاشيەۆا، انەل باحىت قورعاپ جاتىر.
ازيا چەمپيوناتى 5 قازاندا مارەسىنە جەتەدى.