ماۋسىم ايىندا قازاقستان ۇلتتىق قۇراماسى ۋەفا ۇلتتار ليگاسىنىڭ 2022/23 جىلعى جاڭا ماۋسىمىن باستايدى.
جەرەبە قورىتىندىسى بويىنشا قازاقستاندىقتار سلوۆاكيا، ازەربايجان جانە بەلارۋس كوماندالارى قارسىلاس بولاتىن 3 «س» ديۆيزيونىنىڭ توبىنا ءتۇستى، دەپ حابارلايدى Almaty-akshamy.kz Elorda.info سايتىنا سىلتەمە جاساپ.
2022 جىلعى فۋتبول كۇنتىزبەسىنىڭ ەرەكشەلىگىنە بايلانىستى ءبىزدىڭ قۇراما ماۋسىم ايىندا ءتورت ماچ وتكىزەدى – ەكەۋى ءوز ەلىمىزدە جانە ەكەۋى سىرت الاڭدا.
سونىمەن، 3 ماۋسىمدا قازاقستان ۇلتتار ليگاسىن ازەربايجان قۇراماسىنا قارسى ماچپەن ءوز ەلىمىزدە باستايدى. ويىن ەلوردا ۋاقىتىمەن 20:00-دە «استانا ارەنا» ستاديونىندا وتەدى.
ءۇش كۇننەن كەيىن ءبىزدىڭ كوماندا سىرت الاڭدا سلوۆاكيامەن وينايدى. ماچ ترناۆا قالاسىنداعى «انتون مالاتينسكيي» ستاديونىندا وتەدى. كەزدەسۋ نۇر-سۇلتان ۋاقىتىمەن 6 ماۋسىمنان 7 ماۋسىمعا قاراعان ءتۇنى ساعات 00:45-تە باستالادى.
10 ماۋسىم كۇنى قازاقستاندىقتار ءۇشىنشى ماچىن بەلارۋس قۇراماسىنا قارسى وتكىزەدى. ۋەفا اتقارۋ كوميتەتىنىڭ شەشىمىمەن ويىن بەيتاراپ اۋماقتا سەربيانىڭ نوۆي-ساد قالاسىنداعى «كارادجورجە» ستاديونىندا وتەدى. وكىنىشكە قاراي، ستاديوننان ويىندى تاماشالاۋعا جانكۇيەرلەرگە تىيىم سالىنعان. ماچ نۇر-سۇلتان ۋاقىتىمەن 10 ماۋسىمنان 11 ماۋسىمعا قاراعان ءتۇنى ساعات 00:45-تە باستالادى.
13 ماۋسىمدا ءبىزدىڭ كوماندا ۇلتتار ليگاسىنىڭ توپتىق كەزەڭىنىڭ ماۋسىم كەزەڭىن سلوۆاكياعا قارسى ۇيدەگى كەزدەسۋىمەن اياقتايدى. ماچ ەلوردا ۋاقىتىمەن 20:00-دە «استانا ارەنادا» باستالادى.
ۇلتتار ليگاسىنىڭ توپتىق كەزەڭىنىڭ قورىتىندى ويىندارى كۇزدە بولماق. 22 قىركۇيەكتە قازاقستان قۇراماسى بەلارۋس قۇراماسىن قابىلدايدى، ال ءۇش كۇننەن كەيىن ءبىزدىڭ كوماندا سىرت الاڭدا ءازىربايجان قۇراماسىنا قارسى وينايدى.
قازاقستان قۇراماسىنىڭ بارلىق ماچتارىن Qazsport تەلەارناسى تىكەلەي ەفيردە كورسەتەدى.
فۋتبولدان ۋەفا ۇلتتار ليگاسىنداعى قازاقستان قۇراماسىنىڭ 2022/23 جىلعى كۇنتىزبەسى:
«س» ليگاسى، 3-توپ
1-تۋر
03.06.2022
قازاقستان – ازەربايجان 20:00
«استانا ارەنا»، نۇر-سۇلتان.
2-تۋر
07.06.2022
سلوۆاكيا – قازاقستان 00:45
«انتون مالاتينسكيي» ستاديونى، ترناۆا، سلوۆاكيا.
3-تۋر
11.06.2022
بەلارۋس – قازاقستان 00:45
«كارادجوردجە» ستاديونى، نوۆي-ساد، سەربيا.
4-تۋر
13.06.2022
قازاقستان – سلوۆاكيا 20:00
«استانا ارەنا»، نۇر-سۇلتان.
5-تۋر
22.09.2022
قازاقستان – بەلارۋس 20:00
وتكىزۋ ورنى كەيىن انىقتالادى.
6-تۋر
25.09.2022
ازەربايجان – قازاقستان 22:00
وتكىزۋ ورنى كەيىن انىقتالادى.