قازاقستان قۇراماسى ۇلتتار ليگاسىنداعى جارىس جولىن باستايدى

ءقازاقستان-ازىربايجان ماچىنا دايىندىق ءجۇرىپ جاتىر.

ماگومەد ادييەۆ باپتايتىن جىگىتتەر بۇگىن ەلوردادا ءازىربايجان قۇراماسىمەن جولىعادى. ودان كەيىن سلوۆاكيا جانە بەلارۋسپەن كەزدەسۋ كۇتىپ تۇر، دەپ حابارلايدى Almaty-akshamy.kz Egemen.kz-كە سىلتەمە جاساپ. 

"وسىعان بايلانىستى ويىنشىلاردىڭ الەۋەتىن جان-جاقتى ساراپتاپ، ءار ماچتا ءتاۋىر ناتيجە كورسەتۋدەن جوسپار قۇرۋ كەرەك"، - دەيدى باس باپكەر. "ايتۋلى ماچتار الدىندا قۇراماعا 27 ويىنشى شاقىرتىلىپ، ءقازىر سوڭعى دايىندىقتى پىسىقتاپ جاتىر. وكىنىشكە قاراي، ولاردىڭ اراسىندا باحتيەر زاينۋتدينوۆ، ايبار جاقسىلىقوۆ، مارات بىستروۆ سياقتى نەگىزگى فۋتبولشىلار جوق. سوعان قاراماستان، جەڭىستى قولدان بەرمەۋگە تىرىسامىز"، - دەيدى رەسەيلىك مامان. اسىرەسە، ءوز الاڭىمىزدا وتەتىن ماچتاردا ۇپاي الىپ قالۋدى كوزدەيدى.

«كومانداداعى جىگىتتەردىڭ بابى جاقسى. مەن ولارعا سەنەمىن. ارينە، زاينۋتدينوۆ سياقتى فۋتبولشىلاردىڭ بولعانى جاقسى ەدى. ءبىراق قالعان ويىنشىلار دا وسال ەمەس. ولار الداعى ماچتاردا وزدەرىن جاقسى كورسەتىپ، قازاقستاندىق جانكۇيەرلەردى قۋانتادى دەپ ويلايمىن. ءار كەزدەسۋگە قاتىستى ارنايى جوسپار بار. كوبىنە قورعانىسقا دەن قويىپ، 90 مينۋت بويى تۇراقتى ويىن كورسەتۋگە تىرىسامىز»، - دەدى فۋتبولدان قازاقستان قۇراماسىنىڭ باس باپكەرى ماگومەد ادييەۆ.