يمپورتتى ازايتۋ ماقساتىندا.
بالىق شارۋاشىلىعى كوميتەتىنىڭ مالىمەتىنشە، بىلتىر قازاقستاندىقتار 128 مىڭ توننا بالىق تۇتىنعان. ونىڭ 45 مىڭ تونناسى وتاندىق ۇلەستىڭ ەنشىسىندە، دەپ حابارلايدى Almaty-akshamy.kz «حابار 24» cىلتەمە جاساپ.
ال ارنايى فەرمالاردا وسىرىلگەندەرى ءتىپتى از. بالىق شارۋاشىلىعى كوميتەتتىڭ العا قويعان ماقساتى 2030 جىلعا دەيىن بالىق ءوسىرۋ كولەمىن 270 مىڭ تونناعا جەتكىزۋ. ءقازىر بالىق شارۋاشىلىقتارىن قولداۋدىڭ ەكى ءتاسىلى بار.
«بالىق شارۋاشىلىعى سۋبەكتىلەرى مىنا قوندىرعىلاردى، زاۋىتتاردى سالىپ، توعانداردى قازىپ، جاڭاعى اقشا جۇمساسا، سونىڭ 25 پايىزىن مەملەكەت وتەپ بەرەدى. بۇل - ءبىرىنشى باعىت. ەكىنشى باعىت - ول جاڭاعى بالىق ءوسىرۋ كەزىندە بالىق شاباقتارىن ساتىپ الادى، جەمدەرىن ساتىپ الادى، دارى-دارمەكتەرىن ساتىپ الادى. سوعان جەمدەرگە 30 پايىز، ال قالعان سۋبسيديا تۇرلەرىنە 50 پايىز مەملەكەت وتەپ بەرەدى»، - دەيدى ق ر ەگترم بالىق شارۋاشىلىعى كوميتەتى ءتوراعاسىنىڭ ورىنباسارى الماس اسىلبەكوۆ.
سونىمەن قاتار بالىقشىلارعا سالىناتىن سالىق كولەمى دە 70 پايىزعا جەڭىلدەتىلگەن. ءقازىر رەسپۋبليكادا 300-گە جۋىق شارۋاشىلىق بار. بۇل - 45 مىڭنان استام وزەن-كولى بار ەل ءۇشىن وتە از كورسەتكىش. بۇگىن الماتىعا ارنايى شاقىرىلعان تۇركيا، پولشا مەن وزبەكستان كاسىپكەرلەرى ءوز تاجىريبەلەرىمەن ءبولىستى.
«ءبىزدىڭ قازاق ەلىنىڭ ازاماتتارىنا بالىق ءوسىرۋدىڭ دۇرىس ەكەندىگىن، پايدالى ەكەندىگىنە كوز جەتكىزگەن جاعدايدا بۇل داميدى دەگەن ويدامىز. نەگىزگى تۇتىنىپ وتىرعان بالىعىمىز - ءقازىر قىزىل بالىق. ال ونى ءوزىمىز وسىرە الاتىن بولساق، بىزدە كاسپييدە وسىرۋگە بولادى. سونىمەن قاتار بىزدەگى فورەل ۇلكەن دەڭگەيدە وسىرسە، سونى الماستىرۋعا بولادى. سۇرانىس بار، ال رەسەي مەملەكەتى ۇلكەن سۇرانىس سۇراپ وتىر ءقازىر»، - دەيدى كاسىپكەر مارلەن ءتۇرسىنالى.
بالىققا قاجەتتى جەم شەتەلدەن اكەلىنەدى. ەندى وسى كەمشىلىكتى تۇزەۋ ءۇشىن، ەلىمىزدە بالىق جەمىن جاسايتىن 5 زاۋىت سالۋ جوسپارلانىپ وتىر. يمپورتتى ازايتۋدىڭ تاعى ءبىر جولى وسى. سونىمەن قاتار، قاپشاعاي، بالقاش پەن كاسپييدە شارباق ادىسىمەن بالىق ءوسىرۋ تەحنولوگياسى قولعا الىنباق.