ۆولەيبولدى وتىرىپ ويناۋدان قازاقستان قۇراماسى مىسىردان 1:3 ەسەبىمەن جەڭىلدى، دەپ حابارلايدى aqshamnews.kz
پاراليمپيادا كوميتەتىنىڭ مالىمەتىنشە، ءبىرىنشى سەتتە قازاقستان 21:25 ەسەبىمەن جەڭىلدى، ەكىنشى سەتتە 23:25 ەسەبىمەن قارسىلاستىڭ پايداسىنا اياقتالدى.
ءۇشىنشى سەتتە قازاقستان قۇراماسى 25:16 ەسەبىمەن جەڭىسكە جەتتى. الايدا ءتورتىنشى سەتتە قازاقستان 18:25 ەسەبىمەن ۇتىلىپ، ماچ ناتيجەسىندە 1:3 ەسەبىمەن مىسىرعا ەسە جىبەردى.
ايتا كەتەيىك، پاراليمپيادا ويىندارىندا سەگىز كوماندا قاتىسىپ، ولار ا جانە ۆ توپتارىنا بولىنگەن. ءار توپتان جارتىلاي فينالعا ۇزدىك ەكى كوماندا شىعادى.
بۇعان دەيىن ا توبىنىڭ توپتىق كەزەڭىندە قازاقستان قۇراماسى فرانسيانى 3:2 ەسەبىمەن جەڭىپ، بوسنيا جانە گەرسەگوۆينا كومانداسىنا 3:1 ەسەبىمەن جەڭىلىپ قالعان بولاتىن. بوسنيا جانە گەرسەگوۆينا قۇراماسى ەگيپەتتى جەڭىپ، جارتىلاي فينالعا شىعۋعا مۇمكىندىك الدى. ال مىسىر قۇراماسى فرانسيا مەن قازاقستاندى جەڭىپ، ا توبىنان جارتىلاي فينالعا شىقتى.
ۆ توبىندا يران قۇراماسى برازيليا مەن ۋكراينانى جەڭىپ، جارتىلاي فينالعا جولداما الدى، ال گەرمانيا قۇراماسى ۋكراينا مەن برازيليادان باسىم ءتۇسىپ، جارتىلاي فينالعا شىعۋ مۇمكىندىگىن نىعايتتى.
ەندى قۇراما كوماندا پاراليمپيادا ويىندارىنىڭ بەسىنشى ورنى ءۇشىن تالاستى جالعاستىرادى.