مارقۇم سالتانات نۇكەنوۆانىڭ ولىمىنە قاتىسى بار دەگەن ايىپپەن سوتتالعان باقىتجان بايجانوۆ ۇكىمنىڭ كۇشىن جويۋدى جانە ءىستى جاڭا سوت تالقىلاۋىنا جىبەرۋدى سۇراعان ەدى. الايدا جوعارعى سوتتىڭ باسپا ءسوز قىزمەتىنىڭ مالىمەتىنشە، سوتتالۋشى ءوتىنىشىن قايتارىپ العان، دەپ حابارلايدى aqshamnews.kz.
«باقىتجان بايجانوۆ بيىلعى 26 تامىزدا سوتتى قايتا قاراۋ تۋرالى ءوزىنىڭ كاسساسيالىق ءوتىنىشىن كەرى قايتارىپ الدى. وسىعان بايلانىستى ءوتىنىش الدىن الا قارالمايدى. ءوتىنىشتى قايتارۋ تۋرالى قاۋلى 2024 جىلعى 4 قىركۇيەكتە شىعارىلادى»، — دەلىنگەن جوعارعى سوتتىڭ حابارلاماسىندا.
ەسكە سالا كەتەيىك، قۋاندىق بيشىمبايەۆتىڭ قىلمىسىن جاسىردى دەپ ايىپتالعان ەكس-مينيستردىڭ ءىنىسى باقىتجان بايجانوۆ سوت ۇكىمىمەن 4 جىلعا سوتتالدى.