قازاقستان قۇراماسى كۋبيك جيناۋدان ازيانىڭ ۇزدىكتەرى اتاندى

ەلوردادا كۋبيك جيناۋدان وتكەن ازيا چەمپيوناتى مارەسىنە جەتتى. 

جالپى كوماندالىق ەسەپتە 13 مەدالمەن قازاقستان قۇراماسى ءبىرىنشى ورىندى يەلەندى، دەپ حابارلايدى Almaty-akshamy.kz «حابار 24»-كە سىلتەمە جاساپ.

ەكىنشى ورىندى ءۇندىستان ەنشىلەسە، ۇشتىكتى جۇڭگو تۇيىندەدى. سپيدكۋبيكتەن ازيا چەميوناتىنا الەمنىڭ 13 ەلىنەن 116 ازامات كەلدى. ولاردىڭ ىشىندە جاپونيا، جۇڭگو، ءۇندىستان، موڭعوليا جانە وزگە دە ەلدەردىڭ مىقتىلارى بار. شاپشاڭ ويلى ءارى ەپتى قىز-جىگىتتەر كۋبيكتى 17 ءتۇرلى ادىسپەن جينايدى. ياعني كوزىن جۇمىپ، توپپەن، جۇپپەن، جەكە جينايتىندارى بار. ەڭ جاس قاتىسۋشى 7-دە، ال ەڭ ۇلكەنى 54 جاستا. دەگەنمەن باسىم بولىگى - 14-25 اراسىنداعى وقۋشىلار مەن ستۋدەنتتەر. جارىستىڭ جالپى جۇلدە قورى - 9 مىڭ دوللار. ايتا كەتەيىك، قازاقستان - تمد ەلدەرىنىڭ ىشىندە جىلدامدىققا كۋبيك جيناۋ جارىسىن وتكىزۋ مارتەبەسىن جەڭىپ العان العاشقى مەملەكەت.

«جالپى، قازاقستان 2017 جىلدان باستاپ ءبىرىنشى جارىس وتكىزدى جانە كوبىسى جاقسى ناتيجەلەردى كورسەتتى. سول كەزدە ءبىزدىڭ رەكوردىمىز 9 سەك بولدى. قازاقستاندىقتارعا ول ەڭ تەز بولىپ سانالدى. ءقازىر ءبىزدىڭ رەكوردىمىز 6،65 سەك. ءار قاتىسۋشى وسىدان اسىرۋعا تىرىسىپ جاتىر. ولار كۇنىنە ءار ديسيپلينادان 200-300 رەت جينايدى»، - دەدى جارىسقا قاتىسۋشى ءالي احاتوۆ.