ەر-ريادتا وتكەن VI يسلام ىنتىماقتاستىعى ويىندارى اياقتالىپ، قازاقستاندىق سپورتشىلار جارىستى تابىستى قورىتىندىلادى. بۇل تۋرالى Aqshamnews ءتىلشىسى تۋريزم جانە سپورت مينيسترلىگىنىڭ باسپا ءسوز قىزمەتىنە سىلتەمە جاساپ حابارلايدى.
مينيسترلىك مالىمەتىنشە، جارىس «One nation – ءبىر ۇلت» ۇرانىمەن ءوتىپ، 57 ەلدىڭ سپورتشىلارى ب ا ق سىناعان. قازاقستان قۇراماسى جالپى ەسەپتە 56 مەدال جەڭىپ الدى: 15 التىن، 20 كۇمىس جانە 21 قولا. بۇل ناتيجە ەل سپورتشىلارىنىڭ جوعارى دايىندىعىن جانە حالىقارالىق ارەناداعى تۇراقتى ءوسىمىن كورسەتەدى.
قازاقستان 16 سپورت تۇرىنەن قاتىستى: جەڭىل اتلەتيكا، كيبەرسپورت، فەحتوۆانيە، گاندبول، دجيۋ-دجيتسۋ، دزيۋدو، كاراتە، ءجۇزۋ، ۇستەل تەننيسى، تاەكۆوندو، اۋىر اتلەتيكا، ەركىن كۇرەس، گرەك-ريم كۇرەسى، ايەلدەر كۇرەسى، ۋشۋ جانە مۋاي-تاي.
ال بوكس، ۆولەيبول، ات سپورتى، 3ح3 باسكەتبول، فۋتزال، دۋاتلون جانە تۇيە جارىستارى وبەكتيۆتى سەبەپتەرگە بايلانىستى قاتىسپادى.
ويىنداردىڭ باستى جەتىستىكتەرى:
- قازاقستان العاش رەت بىرنەشە سپورت تۇرىنەن التىن مەدال يەلەندى: دزيۋدو (ارۋنا جانگەلدينا)، ۇستەل تەننيسى (كيريلل گەراسيمەنكو جانە ەرلەر كومانداسى)، مۋاي-تاي (تۇرار دۇيسەحان)، سەمسەرلەسۋ (ەرلەر كومانداسى) جانە دجيۋ-دجيتسۋ (ءۇش التىن).
- سپورتتىق ريەۆانش: ۇستەل تەننيسىندە كيريلل گەراسيمەنكو پاريج وليمپياداسىندا ءوزى جەڭىلگەن ومار مۋحاممەد اسساردى تىزە بۇكتىردى؛ ال الەم چەمپيونى ريزابەك ايتمۇحان باحرەيننىڭ وليمپيادا چەمپيونى احمەد تاجۋدينوۆتى ۇتتى.
- العاش رەت گاندبول، دجيۋ-دجيتسۋ، مۋاي-تاي، ۋشۋ جانە فەحتوۆانيە سپورتتارىنان مەدالدار ەنشىلeءدى.
وسىلايشا، قازاقستان قۇراماسى VI يسلام ىنتىماقتاستىعى ويىندارىن جارقىن ناتيجەمەن اياقتادى.