ۆارنا قالاسىندا (بولگاريا) ماتەماتيكادان 41ء-شى بالقان وليمپياداسى (BMO) باستالدى.
وليمپياداعا 22 ەلدەن 130-دان استام وقۋشى قاتىسۋدا، دەپ حابارلايدى Almaty-akshamy.kz وقۋ-اعارتۋ مينيسترلىگىنە سىلتەمە جاساپ.
قازاقستان قۇراماسىنىڭ نامىسىن 6 وقۋشى قورعاۋدا:
- ميرون يۋركيەۆيچ – حالىقارالىق Haileybury Almaty مەكتەبىنىڭ 12 سىنىپ وقۋشىسى؛
- داۋتوۆ جان – قوستاناي قالاسى «ءبىلىم-يننوۆاسيا» مەكتەپ-ليسەيىنىڭ 11 سىنىپ وقۋشىسى؛
- شارەل مارعۇلان – جامبىل وبلىستىق «ءبىلىم-يننوۆاسيا» ليسەيىنىڭ 11 سىنىپ وقۋشىسى؛
- ساحيپوۆ امير – الماتى قالاسىنداعى رەسپۋبليكالىق فيزيكا-ماتەماتيكالىق مەكتەبىنىڭ 10 سىنىپ وقۋشىسى؛
- امانجولوۆ اميرلان – الماتى قالاسىنداعى رەسپۋبليكالىق فيزيكا-ماتەماتيكالىق مەكتەبىنىڭ 10 سىنىپ وقۋشىسى؛
- مۇرات تيمۋر – الماتى قالاسىنداعى رەسپۋبليكالىق فيزيكا-ماتەماتيكالىق مەكتەبىنىڭ 10 سىنىپ وقۋشىسى.
ايتا كەتسەك، قازاقستان قۇراما كومانداسىنىڭ ماتەماتيكادان 41ء-شى بالقان وليمپياداسىنا قاتىسۋى - اعىمداعى جىلدىڭ 11-24 شىلدە ايىندا بات قالاسىندا (ۇلىبريتانيا) وتەتىن ماتەماتيكادان حالىقارالىق وليمپياداعا (IMO) دايىندالۋ جانە تاجىريبە جيناقتاۋ بولىپ تابىلادى.