ازەربايجان مەن ارمەنيا ءسىم باسشىلارى الماتىدا كەزدەسەدى.
بۇل تۋرالى ازەربايجان پرەزيدەنتى يلحام الييەۆ اقش مەملەكەتتىك حاتشىسى ەنتوني بلينكەنمەن تەلەفون ارقىلى سويلەسكەندە مالىمدەدى، دەپ حابارلايدى اlmaty-akshamy.kz.
ازەربايجان پرەزيدەنتىنىڭ باسپا ءسوز قىزمەتىنىڭ مالىمەتىنشە، تەلەفونمەن سويلەسۋ 28 ءساۋىر كۇنى اقش باستاماسىمەن وتكەن. الييەۆ ەكى ەلدىڭ دەليميتاسيا جونىندەگى كوميسسيالارى قول جەتكىزگەن ۋاعدالاستىق ديالوگ پەن ءوزارا تۇسىنىستىك جاعدايىندا ەكىجاقتى نەگىزدە جۇرگىزىلگەن تالقىلاۋلاردىڭ ناتيجەسى بولىپ تابىلاتىنىن اتاپ ءوتتى.
مەملەكەت باسشىسى قازاقستاندىق تاراپتىڭ ۇسىنىسى بويىنشا ازەربايجان مەن ارمەنيانىڭ سىرتقى ىستەر مينيسترلەرى جاقىن ارادا الماتىدا بەيبىتشىلىك شارتى بويىنشا كەلىسسوزدەردى جالعاستىرۋ ءۇشىن كەزدەسەتىنىن ايتتى، - دەلىنگەن مالىمەتتە.