ۇلتتىق قوردان ساتۋ ۇلەسى ساۋدا-ساتتىقتىڭ جالپى كولەمىنىڭ 25،3% قۇرادى.
شىلدە ايىندا ۇلتتىق قوردان رەسپۋبليكالىق بيۋدجەتكە ترانسفەرتتەردى قامتاماسىز ەتۋ ءۇشىن 599،2 ملن اقش دوللارى ساتىلدى، دەپ حابارلايدى Almaty-akshamy.kz
شىلدەدە ۇلتتىق بانك ۆاليۋتالىق ينتەرۆەنسيالاردى، سونداي-اق ءبىرىڭعاي جيناقتاۋشى زەينەتاقى قورى مەن سەنىمگەرلىك باسقارۋداعى باسقا دا قورلاردىڭ زەينەتاقى اكتيۆتەرى ءۇشىن شەتەل ۆاليۋتاسىن ساتىپ الۋ نەمەسە ساتۋ وپەراسيالارىن جۇرگىزگەن جوق.
«شىلدەنىڭ قورىتىندىسى بويىنشا، تەڭگە باعامى 1 دوللار ءۇشىن 477،07 تەڭگەگە دەيىن كوتەرىلىپ، 1،5%-عا وزگەردى. قازاقستان قور بيرجاسىنداعى ساۋدا-ساتتىقتىڭ ورتاشا كۇندىك كولەمى ءبىر ايدا 96،4 ملن اقش دوللارىنان 118،6 ملن اقش دوللارىنا دەيىن ۇلعايدى. شىلدەدە ساۋدا-ساتتىقتىڭ جالپى كولەمى 2،4 ملرد اقش دوللارىن قۇرادى. ۆاليۋتا نارىعىنا كۆازيمەملەكەتتىك سەكتور سۋبەكتىلەرىنىڭ ۆاليۋتالىق ءتۇسىمدى ساتۋى قولداۋ كورسەتتى. ولار شامامەن 543،9 ملن اقش دوللارىن قۇرادى»، - دەلىنگەن ۇلتتىق بانكتىڭ حابارلاماسىندا.
ۇلتتىق بانكتىڭ حابارلاۋىنشا، كۆازيمەملەكەتتىك سەكتور كومپانيالارى ەكىنشى دەڭگەيلى بانكتەر ارقىلى ۆاليۋتا نارىعىندا ساۋدانى دەربەس جۇزەگە اسىرادى.
«شىلدەدە ۇلتتىق قوردان رەسپۋبليكالىق بيۋدجەتكە ترانسفەرتتەردى قامتاماسىز ەتۋ ءۇشىن شەتەل ۆاليۋتاسىن ساتۋ 599،2 ملن اقش دوللارىن قۇرادى. ۇلتتىق قوردان ساتۋ ۇلەسى ساۋدا-ساتتىقتىڭ جالپى كولەمىنىڭ 25،3% قۇرادى»، - دەلىنگەن اقپاراتتا.