قما مۇناي ونىمدەرىنىڭ زاڭسىز اينالىمى بويىنشا 35 قىلمىستىق ءىس قوزعادى.
جىل باسىنان بەرگى زاڭسىز اينالىمدا قۇنى 4 ملرد تەڭگە بولاتىن 20 مىڭ توننا مۇناي ونىمدەر تاسىمالدانعان، دەپ حابارلايدى Almaty-akshamy.kz قما باسپا ءسوز قىزمەتىنە سىلتەمە جاساپ.
جامبىل وبلىسىنان قىرعىز رەسپۋبليكاسىنا ەكسپورتتاماق بولعان كەزدە ۇستالعان 5 تەمىرجول سيستەرناسى قۇجاتتاردا لاك كەتىرەتىن ەرىتكىش رەتىندە كورسەتىلگەنمەن، ءىس جۇزىندە اي-92 ماركالى بەنزين بولعان. تاركىلەنگەن جانار-جاعارمايدىڭ جالپى سوماسى شامامەن 60 ميلليون تەڭگەنى قۇرادى.
پاۆلودار وبلىسىندا «ورگانيكالىق ەرىتكىش» دەگەن جالعان اتاۋمەن رەسەي فەدەراسياسىنا ەكسپورتتاماق بولعان ديزەل وتىنى بار 4 تەمىرجول سيستەرناسى ۇستالدى. سونداي-اق پاۆلودار وبلىسىندا ج ش س ديرەكتورى راستايتىن قۇجاتسىز 660 توننادان استام مازۋتتى 76 ملن تەڭگەگە ساتقان.
بۇعان دەيىن 2021 جىلى اتىراۋ وبلىسىندا ەكى كومپانيانىڭ ديرەكتورى جالپى سانى 6 مىڭ تونناعا جۋىق ديزەل وتىنىن ساتىپ الىپ، ونى 1،8 ميلليارد تەڭگەگە زاڭسىز ساتقان.
اگەنتتىك تاراتقان اقپاراتقا سايكەس، سوتقا دەيىنگى تەرگەپ-تەكسەرۋ اياسىندا جانار-جاعارمايدىڭ شىعۋ كوزدەرى مەن ونىڭ اينالىمىنا قاتىسى بار تۇلعالار انىقتالۋدا.