قاسىم-جومارت توقايەۆتىڭ اتىنا ۇلتتىق مەرەكە – رەسپۋبليكا كۇنىنە وراي شەت مەملەكەتتەردىڭ باسشىلارى مەن حالىقارالىق ۇيىمداردىڭ جەتەكشىلەرىنەن قۇتتىقتاۋ حاتتارى كەلىپ جاتىر، دەپ حابارلايدى Almaty-akshamy.kz اقوردانىڭ رەسمي سايتىنا سىلتەمە جاساپ.
رەسەي پرەزيدەنتى ۆلاديمير پۋتين مەملەكەت باسشىسىن رەسپۋبليكا كۇنىمەن قۇتتىقتاپ، ەلىمىزگە تابىس پەن باق-بەرەكە تىلەدى.
«ءسىزدىڭ ەلىڭىز الەۋمەتتىك-ەكونوميكالىق دامۋ جولىمەن سەنىمدى تۇردە ىلگەرىلەپ كەلەدى. سونداي-اق ماڭىزدى حالىقارالىق ماسەلەلەردى شەشۋدە ءوزىنىڭ ەلەۋلى ۇلەسىن قوسىپ، الەمدىك ارەنادا زور بەدەلگە يە بولىپ وتىر. رەسەي مەن قازاقستان قاتىناستارى جوعارى دەڭگەيدە دامىپ كەلەدى. ستراتەگيالىق سەرىكتەستىك پەن وداقتاستىق بايلانىستاردى ودان ءارى نىعايتۋ، تمد، ەۋرازيالىق ەكونوميكالىق وداق، ۇقشۇ جانە شىۇ سەكىلدى ۇيىمدار اياسىنداعى سىندارلى ىقپالداستىقتى كەڭەيتۋ حالىقتارىمىزدىڭ تۇپكى مۇددەسىنە ساي كەلەدى»، – دەلىنگەن جەدەلحاتتا.
جۇڭگو حالىق رەسپۋبليكاسىنىڭ ءتوراعاسى سي سزينپين قاسىم-جومارت توقايەۆقا جانە دوستاس قازاقستان حالقىنا ءوزىنىڭ جۇرەكجاردى لەبىزى مەن ىزگى تىلەگىن جولدادى. ول سوڭعى جىلدارى قازاقستاندا تۇراقتى ەكونوميكالىق دامۋ بايقالاتىنىن، ەلىمىزدىڭ وڭىرلىك جانە حالىقارالىق ىستەردە ىقپالى كۇشەيىپ كەلە جاتقانىن اتاپ ءوتتى.
«ءوزىڭىز باستاماشى بولىپ، جۇزەگە اسىرىپ وتىرعان جاڭا قازاقستان قۇرۋ يدەياسى زور جەتىستىككە جەتەتىنىنە سەنىمدىمىن. سىزبەن بىرگە ماڭگىلىك جانە جان-جاقتى ستراتەگيالىق سەرىكتەستىككە نەگىزدەلگەن قىتاي-قازاق قارىم-قاتىناستارىن جاڭا دەڭگەيگە كوتەرۋ ءۇشىن كۇش سالۋعا دايىنمىن»، – دەپ جازدى قحر ءتوراعاسى.
امەريكا قۇراما شتاتتارىنىڭ پرەزيدەنتى دجوزەف بايدەن قاسىم-جومارت توقايەۆ پەن قازاقستان حالقىنا جولداعان ءوزىنىڭ قۇتتىقتاۋىندا ەكى ەل اراسىنداعى ىنتىماقتاستىقتى جوعارى باعالاعان.
«قازاقستان مەن اقش-تى ەگەمەندىكتى، تاۋەلسىزدىكتى جانە اۋماقتىق تۇتاستىقتى ساقتاۋ جولىنداعى ورتاق مۇددەگە نەگىزدەلگەن سەرىكتەستىك بىرىكتىرەدى. وتىز جىلدان استام ۋاقىت بويى ءبىز وسى قاعيداتتاردى ساقتاپ، حالىقتارىمىزدىڭ جارقىن بولاشاعىن قالىپتاستىرۋ ءۇشىن بىرگە ارەكەت ەتىپ كەلەمىز. سوڭعى جىلدارى ستراتەگيالىق سەرىكتەستىكتى نىعايتۋعا جانە بارلىق سالاداعى ىنتىماقتاستىقتى كەڭەيتۋگە باعىتتالعان جۇمىس جۇرگىزدىك. مەن ەلدەرىمىز اراسىنداعى بايلانىستاردى ودان ءارى تەرەڭدەتۋگە نيەتتىمىن»، – دەپ جازىلعان پرەزيدەنت بايدەننىڭ قۇتتىقتاۋ جەدەلحاتىندا.
ۇلىبريتانيا مەن سولتۇستىك يرلانديا بىرىككەن كورولدىگىنىڭ كورولى III چارلز قازاقستانمەن اراداعى دوستىق قاتىناستار جانە ەكىجاقتى سەرىكتەستىك ودان ءارى نىعايا بەرەتىنىنە سەنىم ءبىلدىردى.
فرانسيا پرەزيدەنتى ەممانيۋەل ماكرون ءوزىنىڭ قۇتتىقتاۋىندا ۇزاق جىلدار بويعى ەكىجاقتى ستراتەگيالىق ىنتىماقتاستىقتى دامىتۋدىڭ ماڭىزدى ەكەنىن اتاپ ءوتتى.
«ەلدەرىمىز اراسىنداعى قارىم-قاتىناستى ودان ءارى نىعايتۋ، ەنەرگەتيكا، سۋ رەسۋرستارى، اۋىل شارۋاشىلىعى، دەنساۋلىق ساقتاۋ جانە شيكىزات سالالارىنداعى سەرىكتەستىكتى دامىتۋ ءۇشىن قازاقستانعا جاسايتىن الداعى ساپارىمدى اسىعا كۇتەمىن»، – دەلىنگەن جەدەلحاتتا.
وزبەكستان پرەزيدەنتى شاۆكات ميرزيويەۆ ءوز قۇتتىقتاۋىندا قاسىم-جومارت توقايەۆتىڭ باسشىلىعىمەن جۇرگىزىلىپ جاتقان اۋقىمدى جانە جۇيەلى رەفورمالاردىڭ ناتيجەسىندە زاماناۋي قازاقستان تۇراقتى دامىپ كەلە جاتقانىن، ال ونىڭ وڭىرلىك جانە جاھاندىق دەڭگەيدەگى وزەكتى باستامالارىن حالىقارالىق قوعامداستىق لايىقتى مويىندايتىنىن اتاپ وتكەن.
قىرعىزستان پرەزيدەنتى سادىر جاپاروۆ مەملەكەت باسشىسى قاسىم-جومارت توقايەۆتىڭ ادىلەتتى قازاقستاندى قۇرۋ جونىندەگى باستاماسىن قازاق حالقى ۇدايى قولدايتىنىن ايتقان. سونىمەن قاتار ول وداقتاستىق قاتىناستاردىڭ قازىرگى وڭ ديناميكاسى ەكىجاقتى ىنتىماقتاستىقتى دامىتۋ باعىتىندا اۋقىمدى جوسپار قۇرۋعا مۇمكىندىك بەرەتىنىن جەتكىزگەن.
تاجىكستان پرەزيدەنتى ەمومالي راحمون قازاقستاننىڭ ساياسي، الەۋمەتتىك-ەكونوميكالىق، مادەني-گۋمانيتارلىق جانە قوعام ءومىرىنىڭ باسقا دا سالالارىندا قول جەتكىزگەن تولايىم تابىستارىن جوعارى باعالادى.
تۇرىكمەنستان پرەزيدەنتى سەردار بەردىمۇحامەدوۆ پەن تۇرىكمەنستان حالك ماسلاحاتىنىڭ ءتوراعاسى گۋربانگۋلى بەردىمۇحامەدوۆ تاتۋ كورشىلىك، ءوزارا قۇرمەت پەن سەنىم قاعيداتتارىنا نەگىزدەلگەن ەكىجاقتى قارىم-قاتىناسقا ەرەكشە نازار اۋدارعان.
ءازىربايجان پرەزيدەنتى يلحام الييەۆ ءوز جەدەلحاتىندا باۋىرلاستىق پەن ءوزارا سەنىمگە نەگىزدەلگەن تاريحي تامىرى تەرەڭ ازەربايجان-قازاق قارىم-قاتىناسىن جان-جاقتى دامىتۋعا باسا ءمان بەرەتىنىن جازعان.
بەلارۋس پرەزيدەنتى الەكساندر لۋكاشەنكو قۇتتىقتاۋ حاتىندا قازاقستاننىڭ ەگەمەندىك پەن اۋماقتىق تۇتاستىقتى نىعايتۋ ءۇشىن جۇزەگە اسىرىپ جاتقان شارالارىن، ەكونوميكا مەن الەۋمەتتىك سالالارداعى قولعا العان اۋقىمدى وزگەرىستەرىن، كوپۇلتتى مەملەكەتتىڭ ىشكى جانە سىرتقى ساياساتتا سىندارلى ىنتىماقتاستىق ورناتۋعا باعىتتالعان كۇش-جىگەرىن جوعارى باعالاعان.
سونىمەن قاتار وزدەرىنىڭ قۇتتىقتاۋلارىن ساۋد ارابياسىنىڭ كورولى سالمان بەن ابدەلازيز ءال ساۋد، ساۋد ارابياسى كورولىنىڭ تاق مۇراگەرى – مينيسترلەر كەڭەسىنىڭ ءتوراعاسى مۇحاممەد بەن سالمان بەن ابدەلازيز ءال ساۋد، ريم پاپاسى فرانسيسك، جاپونيا يمپەراتورى نارۋحيتو، ماروككو كورولى VI مۇحاممەد، ومان سۇلتانى حايسام بەن تاريق ءال سايد، يسپانيا كورولى VI فەليپە، نيدەرلاندى كورولى ۆيللەم-الەكساندر، شۆەسيا كورولى كارل گۋستاۆ، ءۇندىستان پرەزيدەنتى دراۋپادي مۋرمۋ، وڭتۇستىك كورەيا پرەزيدەنتى يۋن سوك ءول، سينگاپۋر پرەزيدەنتى تارمان شانمۋگاراتنام، ارمەنيا پرەزيدەنتى ۆااگن حاچاتۋريان، ارمەنيا پرەمەر-مينيسترى نيكول پاشينيان، يتاليا پرەزيدەنتى سەردجو ماتتارەللا، بولگاريا پرەزيدەنتى رۋمەن راديەۆ، گرەكيا پرەزيدەنتى كاتەرينا ساكەللاروپۋلۋ، حورۆاتيا پرەزيدەنتى زوران ميلانوۆيچ، پورتۋگاليا پرەزيدەنتى مارسەلۋ رەبەلۋ دە سوۋزا، رۋمىنيا پرەزيدەنتى كلاۋس يوحاننيس، شۆەيساريا پرەزيدەنتى الەن بەرسە، لاتۆيا پرەزيدەنتى ەدگارس رينكيەۆيچس، پولشا پرەزيدەنتى اندجەي دۋدا، فينليانديا پرەزيدەنتى ساۋلي ءنيينيستو، بۇۇ باس حاتشىسى انتونيۋ گۋتەرريش، اۋستراليا گەنەرال-گۋبەرناتورى ديەۆيد ءحورلي، تاتارستان رايسى رۋستام ميننيحانوۆ، ميانما شتاتى اكىمشىلىك كەڭەسىنىڭ ءتوراعاسى مين اۋن حلاين، تمد باس حاتشىسى سەرگەي لەبەديەۆ، ەقىۇ باس حاتشىسى حەلگا ماريا شميد، يسەسكو باس ديرەكتورى ساليم بەن مۇحاممەد ال-ماليك جانە باسقالار جولدادى.
قۇتتىقتاۋ جەدەلحاتتارى ءالى دە كەلىپ ءتۇسىپ جاتىر.