بالقاش-الاكول باسسەينىنىڭ سۋ ايدىندارىنا جىل باسىنان بەرى تۇقى بالىعىنىڭ 1 ملن 300 مىڭ شاباعى جىبەرىلگەن، دەپ حابارلايدى Almaty-akshamy.kz.
جالپى بۇنداي ءىس-شارا باعالى بالىق تۇرلەرىنىڭ پوپۋلياسياسىن ۇلعايتۋ ءۇشىن جاسالادى.
سونداي اق بالىق وسىرەتىن شارۋاشىلىقتار جىل سوڭىنا دەيىن سۋ قويماسىن تاعى دا بالىقتاندىرۋدى جوسپارلاپ وتىر. ول كەزدە 2 ملن-عا جۋىق شاباق جىبەرىلمەك. جالپى قاپشاعايدا بالىقتىڭ 32 ءتۇرى بار.
«اتالعان جۇمىستار قاپشاعاي سۋ قويماسىنداعى بالىقتىڭ مولايۋىنا اكەلەدى. اعىمداعى جىلى بارلىعى بالقاش-الاكول باسەينى بويىنشا مەملەكەتتىك تاپسىرىس شەڭبەرىندە 1 ملن 200 مىڭنان استام بالىق شاباقتارى جىبەرىلدى»، - دەيدى بالقاش-الاكول وبلىسارالىق باسسەيندىك بالىق شارۋاشىلىعى ينسپەكسياسى باسشىسىنىڭ ورىنباسارى رينات قۇماشيەۆ.