مەملەكەت باسشىسىنىڭ اتىنا كوڭىل ايتۋ جەدەلحاتتارى كەلدى.
سونداي-اق تەلەفون ارقىلى دا كوڭىل ايتىپ جاتقان مەملەكەت باسشىلارى بار، دەپ حابارلايدى Almaty-akshamy.kz اقورداعا سىلتەمە جاساپ.
ولار قازا تاپقان كەنشىلەردىڭ وتباسىلارىنىڭ قايعىسىنا ورتاقتاسىپ، كوڭىل ايتقان جانە زارداپ شەككەندەردىڭ تەزىرەك ساۋىعىپ كەتۋىنە تىلەكتەستىك بىلدىرگەن.
سونىڭ ىشىندە وزبەكستان پرەزيدەنتى شاۆكات ميرزيويەۆ پەن قىرعىزستان پرەزيدەنتى سادىر جاپاروۆ تەلەفون ارقىلى كوڭىل ايتتى جانە جەدەلحاتتارىن دا جولدادى.
قاراعاندى وبلىسىنداعى كوستەنكو اتىنداعى شاحتادا بولعان اپات سالدارىنان قازا تاپقان كەنشىلەردىڭ وتباسىلارى مەن جاقىندارىنا وزدەرىنىڭ كوڭىل ايتۋ جەدەلحاتتارىن رەسەي پرەزيدەنتى ۆلاديمير پۋتين، فرانسيا پرەزيدەنتى ەممانيۋەل ماكرون، تاجىكستان پرەزيدەنتى ەمومالي راحمون، تۇرىكمەنستان پرەزيدەنتى سەردار بەردىمۇحامەدوۆ، تۇرىكمەنستان حالك ماسلاحاتىنىڭ ءتوراعاسى گۋربانگۋلى بەردىمۇحامەدوۆ، ازەربايجان پرەزيدەنتى يلحام الييەۆ، بەلارۋس پرەزيدەنتى الەكساندر لۋكاشەنكو، ارمەنيا پرەمەر-مينيسترى نيكول پاشينيان، تاتارستان رايسى رۋستام ميننيحانوۆ، ددۇ باس ديرەكتورى تەدروس ادحانوم گەبرەيەسۋس، تۇركسوي-دىڭ باس حاتشىسى سۇلتان رايەۆ جانە باسقالار جولدادى.