الماتىلىقتار №4 ءبىرمانداتتىق اۋماقتىق سايلاۋ وكرۋگى بويىنشا شىعىپ قالعاننىڭ ورنىنا الماتى قالاسى ءماسليحاتى دەپۋتاتىن سايلاۋ ناۋقانىنا بەلسەنە قاتىسۋدا، دەپ حابارلايدى Almaty-akshamy ءتىلشىسى.
ءدال ءقازىر جۇمىس بارلىق سايلاۋ ۋچاسكەسىندە قىزۋ ءجۇرىپ جاتىر. تەك بۇل جولى اۋەندەر ەش جەردەن ەستىلمەيدى، بارلىق جەردە تىنىشتىق. سەبەبى بۇگىن – جالپى ۇلتتىق ازا تۇتۋ كۇنى. سايلاۋ ەلىمىزدە العاش رەت، قازا تاپقان كەنشىلەردى ازا تۇتۋ كۇنىنە سايكەس كەلىپ وتىر.
«ءبىز ءار سايلاۋشى ءۇشىن قۋانىشتىمىز. ادەتتە بىزگە ءار ءتۇرلى جاستاعى ادامدار كەلەدى. ءبىزدى تۇرعىنداردىڭ بەلسەندىلىگى قۋانتادى»، - دەيدى №114 ۋچاسكەلىك سايلاۋ كوميسسياسىنىڭ ءتوراعاسى قۇرالاي وسپانوۆا.
وسى ورايدا ايتا كەتسەك، №54 مەكتەپ-گيمنازيا عيماراتىندا ورنالاسقان №114 سايلاۋ ۋچاسكەسىندە العاش بولىپ داۋىس بەرگەن جاس الماتىلىقتارعا «قازاقستان» شوكولادتارى سىيلىق رەتىندە ۇسىنىلدى.