اسا جاۋاپكەرشىلىكپەن قاراعان ءجون.
پرەزيدەنتتىڭ قازاقستان حالقىنا جولداۋىن ىسكە اسىرۋ ءۇشىن كونستيتۋسياعا 30-دان استام وزگەرىس ەنگىزۋ قاجەت. بۇر تۋرالى مەملەكەت باسشىسىنىڭ ءوزى ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«مەنىڭ بۇگىنگى باستامالارىم وتە اۋقىمدى. بۇل باستامالار ەلىمىزدىڭ ساياسي جۇيەسى مەن اكىمشىلىك-اۋماقتىق قۇرىلىمىن ەداۋىر وزگەرتەدى. ونى جۇزەگە اسىرۋ ءۇشىن كونستيتۋسياعا 30-دان استام وزگەرىس ەنگىزۋ قاجەت. سونداي-اق، جىلدىڭ سوڭىنا دەيىن تاعى 20-دان استام زاڭ قابىلداۋ كەرەك»، - دەدى قاسىم-جومارت توقايەۆ جولداۋدى جاريالاۋ بارىسىندا.
ايتۋىنشا، زاڭ جوباسىن ازىرلەپ، ونى قابىلداۋ - ەداۋىر ۋاقىتتى الاتىن كۇردەلى جۇمىس.
«سوندىقتان وعان اسا جاۋاپكەرشىلىكپەن قاراعان ءجون. سونداي-اق ىشكى، سىرتقى سىن-قاتەرلەردى مۇقيات ەسكەرۋىمىز كەرەك. ءبىز تاۋەلسىزدىك جىلدارىندا نەبىر قيىندىقتاردان امان وتتىك. سىن-قاتەردىڭ ءبارىن ەڭسەرىپ، وسى كۇنگە جەتتىك. ەندى ەلىمىزدى تۇبەگەيلى جاڭعىرتۋعا كىرىستىك. بۇل كەزەڭ الماعايىپ ۋاقىتقا ءتۇسپا-تۇس كەلىپ وتىر. قازىرگى قازاقستانعا دا اسەر ەتەتىنى انىق. ءبىرق زامان قانشا كۇردەلى بولسا دا، ءبىز باعدارىمىزدان اينىمايمىز. وتكەننەن تاعلىم الىپ، كەلەشەككە سەنىممەن قادام باسامىز»، - دەدى قاسىم-جومارت توقايەۆ.