پرەزيدەنت قۇزىرلى مەكەمەلەرگە اۋعانستانداعى جاعدايدى جان-جاقتى باقىلاۋدا ۇستاۋدى تاپسىردى.
مەملەكەت باسشىسى اۋعانستانداعى احۋالعا بايلانىستى جيىن وتكىزدى، دەپ حابارلايدى Almaty-akshamy.kz
«قازاقستان پرەزيدەنتى قاسىم-جومارت توقايەۆ اۋعانستاندا قالىپتاسقان جاعدايعا بايلانىستى كەشەلى بەرى ەكىنشى رەت جيىن وتكىزدى. جيىنعا پرەمەر-مينيستر اسقار مامين، كۇشتىك قۇرىلىمداردىڭ، اتاپ ايتقاندا، ۇلتتىق قاۋىپسىزدىك كوميتەتى، سىرتقى ىستەر، قورعانىس، ىشكى ىستەر، توتەنشە جاعدايلار مينيسترلىكتەرى، باس پروكۋراتۋرا، مەملەكەتتىك كۇزەت قىزمەتى باسشىلارى مەن قاۋىپسىزدىك كەڭەسىنىڭ حاتشىسى قاتىستى»، -دەپ جازدى پرەزيدەنتتىڭ باسپا ءسوز حاتشىسى بەرىك ءۋالي ءوزىنىڭ Facebook پاراقشاسىندا.
بۇل وسى ەلمەن بۇدان بىلايعى ىنتىماقتاستىق بويىنشا شەشىم قابىلداۋ ءۇشىن اسا ماڭىزدى.
«اۋعانستان يسلام رەسپۋبليكاسىنداعى جاعدايعا بايلانىستى قازاقستاننىڭ ۇلتتىق مۇددەسىن ەسكەرە وتىرىپ، شۇعىل ارەكەت ەتۋ شارالارى جانە ءبىزدىڭ ەلدىڭ ازاماتتارىنىڭ قاۋىپسىزدىگىن قامتاماسىز ەتۋ ماسەلەلەرى تالقىلاندى»، -دەپ حابارلادى پرەزيدەنتتىڭ باسپا ءسوز حاتشىسى.