بۇل تۋرالى ءىىم اكىمشىلىك پوليسيا كوميتەتى ءتوراعاسىنىڭ ورىنباسارى جاندوس مۇراتالييەۆ ءمالىم ەتتى دەپ حابارلايدى almaty-akshamy.kz
«بالالاردىڭ جولاۋشى عانا ەمەس، جاياۋ جۇرگىنشى ەكەنىن دە ەسكەرۋ قاجەت. بۇل رەتتە جاياۋ جۇرگىنشىلەردىڭ كىناسىنەن بولاتىن جول-كولىك وقيعالارىنىڭ نەگىزگى سەبەپتەرى – جولدى بەلگىلەنبەگەن جەردەن كەسىپ ءوتۋ، باعدارشامنىڭ «قىزىل» تۇسىنە ءوتۋ، جاقىنداپ قالعان كولىكتىڭ الدىنان كەسىپ ءوتۋ سياقتى ارەكەتتەر. مىسالى، كامەلەتكە تولماعانداردىڭ كىناسىنەن بيىلعى 7 ايدا 60-تان استام جول-كولىك وقيعاسى تىركەلىپ، 5 بالا قازا بولدى، 70 ءجاسوسپىرىم ءتۇرلى جاراقات العان»، - دەدى كوميتەت باسشىسىنىڭ ورىنباسارى ءىىم اقپارات الاڭىندا.
ونىڭ ايتۋىنشا، جىل باسىنان بەرى رەسپۋبليكا جولدارىندا كامەلەتكە تولماعانداردىڭ قاتىسۋىمەن 1 621 جول-كولىك وقيعاسى تىركەلگەن (+33%). سالدارىنان 90 ءجاسوسپىرىم قازا بولىپ (+18%)، 1 860 بالا جاراقات العان (+37%).
«وتكەن جىلدىڭ ەسەپتى كەزەڭىمەن سالىستىرعاندا، جول-كولىك وقيعاسىنىڭ سانى 15%، قازا بولعانداردىڭ سانى 18% جانە جاراقات العانداردىڭ سانى 16% ءوستى. زارداپ شەككەن بالالاردىڭ جارتىسىنان كوبى –جولاۋشىلار. دەمەك، كوپ جاعدايدا ەرەسەكتەر بالالاردى كولىكپەن الىپ ءجۇرۋدىڭ ەرەجەسىن ءجيى بۇزادى – بالالاردى ارنايى ۇستاۋ قۇرالىنسىز نەمەسە بەلدىكتى بەكىتپەي تاسىمالداعان»، - دەدى ءىىم اكىمشىلىك پوليسيا كوميتەتى ءتوراعاسىنىڭ ورىنباسارى جاندوس مۇراتالييەۆ.