قازاقستان پيلوتتىق رەجيمدە اۋعانستان ارقىلى پاكىستانعا جاڭا ساۋدا باعدارىمەن بىرنەشە جۇك كولىگىن جونەلتتى.
بۇل تۋرالى ساۋدا جانە ينتەگراسيا ءمينيسترى قايرات تورەبايەۆ ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ءبىز پاكىستاندىق National Logistics Cell كومپانياسىمەن كەلىسسوز جۇرگىزىپ جاتىرمىز. ول ءقاۋىپسىز رەجيمدە پاكىستان مەن قازاقستان اراسىنداعى تاۋار اينالىمىن قامتاماسىز ەتەدى. تاياۋدا پيلوتتىق جوبانى ىسكە قوستىق جانە بۇل باعدارمەن بىرنەشە جۇك كولىگى اتتاندى. بۇل رەتتە جۇك قازاقستاننان پاكىستانعا جانە كەرى باعىتتا 4 مىڭ شاقىرىم جولدا بولادى. بۇل وڭىرلىك دامۋ تۇرعىسىنان الىپ قاراعاندا ايتارلىقتاي ۇلكەن اراقاشىقتىق ەمەس»، - دەدى ۆيسە-مينيستر ەلىمىزدىڭ سىرتقى ىستەر مينيسترلىگىندە وتكەن بريفينگتە.
سونىمەن قاتار ونىڭ اتاپ وتۋىنشە، قازاقستان اۋعانستانعا ۇن مەن استىق جەتكىزۋ ءۇشىن وزبەكستانمەن ءوزارا ءىس-قيمىلدى جالعاستىرادى. مۇنان بولەك، تۇرىكمەنستان اۋماعى ارقىلى اۋعانستان باعىتىندا جۇك تاسىمالداۋدا 30 پايىزدىق جەڭىلدىك جاساۋ تۋرالى دا اتالعان ەلمەن ۋاعدالاستىق بار.