ەلىمىزدە دەنە مۇشەسىن ساتۋعا رۇقسات جوق.
33 جاستاعى ورالدىق ازامات شەتەلگە ءوز بۇيرەگىن ساتپاق بولعان. ول وتانى كەنيا رەسپۋبليكاسىندا جاساۋعا كەلىسكەن، دەپ حابارلايدى Almaty-akshamy.kz.
Polisia.kzء-تىڭ اقپاراتى بويىنشا، ورالدىق ازامات وتانى كەنيا رەسپۋبليكاسىندا جاساتۋ بويىنشا مامىلە جاساسقان. 30 شىلدە كۇنى بقو پد ۇيىمداسقان قىلمىسقا قارسى كۇرەس باسقارماسى كولىكتەگى پد ۇققكب قىزمەتكەرلەرىمەن بىرلەسىپ، ءىىم-نىڭ ۇيىمداسقان قىلمىسقا قارسى كۇرەس دەپارتامەنتىنىڭ ۇيلەستىرۋىمەن ادام ورگاندارىن ساتۋ ارەكەتى توقتاتىلدى.
انىقتاۋ بارىسىندا ورال قالاسىنىڭ 33 جاستاعى ا. ەسىمدى تۇرعىنى، وتباسىلى ازامات ۆاحتالىق ادىسپەن جۇمىس ىستەيدى. اقشالاي قاراجاتتىڭ جەتىسپەۋشىلىگىنە بايلانىستى ول ءوزىنىڭ بۇيرەگىن ساتپاق بولعان. مامىر ايىندا اتالعان ازامات حالىقارالىق ينتەرنەت-سايتتا جاريالانعان اقشالاي سىياقى ءۇشىن ترانسپلانتاسياعا ارنالعان بۇيرەكتى ساتۋ تۋرالى حابارلاندىرۋدى كورگەن. وعان Telegram كانالى ارقىلى سايتتىڭ قىزمەتكەرلەرى بايلانىسقا شىعىپ، ورتاق مامىلەگە كەلۋ ارقىلى قۇنى 20 مىڭ اقش دوللارىن قۇرايتىن وتانى كەنيا رەسپۋبليكاسىندا جاساۋعا كەلىسكەن.
2 اي بويى ا. ەسىمدى ازامات مەديسينالىق ورتالىقتاردا تاپسىرعان تالداۋ ناتيجەلەرىن Telegram كانالى ارقىلى جىبەرىپ وتىرعان. سايت قىزمەتكەرلەرى وعان جول ءجۇرۋ، ەلەكتروندى ۆيزا ءۇشىن 250 اقش دوللارى كولەمىندە اقشا جىبەرگەن.
30 شىلدە كۇنى پوليسيا قىزمەتكەرلەرى اتالعان ازاماتتى الماتى قالاسىنداعى اۋەجايدىڭ ۇشۋ ايماعىنان ۇستادى. ودان ءارى تەرگەۋ ارەكەتتەرىن جۇرگىزۋ ءۇشىن ازامات ورال قالاسىنا جەتكىزىلىپ، ەشقايدا كەتپەۋ تۋرالى قولحات بەرىلدى. اتالعان فاكتى بويىنشا ق ر قك-نىڭ 116-بابى 1-بولىگىنە سايكەس، سوتقا دەيىنگى تەرگەۋ امالدارى جۇرگىزىلىپ جاتىر.
ايتا كەتۋ كەرەك، قازاقستاندا ورگانداردى ساتۋعا تىيىم سالىنادى جانە ترانسپلانتاسيالاۋ جاساۋدىڭ جالعىز جولى — ونىڭ تۋىسىنىڭ وتەۋسىز قايىرىمدىلىعى نەمەسە قايتىس بولعان ادامنىڭ تۋىستارىنىڭ كەلىسىمىمەن ورگاندى ترانسپلانتاسيالاۋ.