بىشكەكتە «بەيبىتشىلىك ءۇشىن ورمان» باستاماسى اياسىندا ترانسفورماسيالىق جوبانى ازىرلەۋ ءۇشىن ورتالىق ازياداعى ترانسشەكارالىق ىنتىماقتاستىق بويىنشا ەكىنشى وڭىرلىك سەمينار وتۋدە.
اتالعان ءىس-شارا شولەيتتەنۋ جونىندەگى كونۆەنسيانىڭ، بۇۇ دامۋ باعدارلاماسىنىڭ جانە ورتالىق ازيانىڭ وڭىرلىك ەكولوگيالىق ورتالىعىنىڭ قولداۋىمەن وتۋدە، دەپ حابارلايدى aqshamnews.kz.
ورتالىق ازياداعى جەرلەردiڭ توزۋى ەلەۋلi ەكولوگيالىق اسەر ەتەدi. قازاقستان ورتالىق ازيادا نەگىزگى ورىن الىپ، بۇل رەتتە جەرلەر مەن ەكوجۇيەلەردى ورنىقتى پايدالانۋعا باعىتتالعان ءبىرقاتار جاسىل ءىس-شارالار مەن جوبالاردى بەلسەندى ىسكە اسىرۋدا جانە جوسپارلاۋدا.
قازاقستان ترانسشەكارالىق قورعالاتىن تاۋلى اۋماقتار قۇرۋ جانە حالىقارالىق جوبالار شەڭبەرىندە كليماتتىق بەيىمدەلۋ جونىندەگى وڭىرلىك شارالاردى دامىتۋ باستاماسىن كوتەردى.
سەمينار جۇمىسى شەڭبەرىندە كەيىننەن حالىقارالىق دونورلار ەسەبىنەن قارجىلاندىرۋ ءۇشىن كليماتتىڭ وزگەرۋىنە بەيىمدەلۋ جانە بيولوگيالىق ارتۇرلىلىكتى جوعالتۋ جونىندەگى ترانسشەكارالىق جوبانىڭ تۇجىرىمداماسىن ازىرلەۋ جوسپارلانۋدا.