ادام قۇقىقتارى جونىندەگى ومبۋدسمان ارتۋر لاستايەۆ الماتىدا ازاماتتارعا جەكە قابىلداۋ وتكىزدى، - دەپ حابارلايدى almaty-akshamy.kz
ادام قۇقىقتارى جونىندەگى ۋاكىل ارتۋر لاستايەۆ الماتى قالاسىنا جۇمىس ساپارى اياسىندا ءوڭىر تۇرعىندارىنا بۇزىلعان قۇقىقتاردى قالپىنا كەلتىرۋدە كونسۋلتاسيالىق قولداۋدى قوسا العاندا، قۇقىقتىق كومەك الۋعا مۇمكىندىك بەرە وتىرىپ، ازاماتتارعا جەكە قابىلداۋ وتكىزدى.
ومبۋدسماننىڭ جەكە قابىلداۋىندا 6 ادام شاعىمدارمەن جۇگىنىپ، سوت اكتىلەرىمەن كەلىسپەۋشىلىك بويىنشا داۋلاردان باستاپ الەۋمەتتىك قىزمەتتەرگە قول جەتكىزۋ ماسەلەلەرىنە دەيىن ءارتۇرلى ماسەلەلەردى كوتەردى.
ازاماتتار ق ر ادام قۇقىقتارى جونىندەگى ۋاكىلدىڭ جەكە ءوزى ۇيىمداستىرعان ازاماتتاردى قابىلداۋى، ومبۋدسماننىڭ قوعام ءۇشىن ادام قۇقىقتارىن قورعاۋ جانە مۇقتاج جاندارعا كومەك كورسەتۋ سالاسىنداعى باسىم ماسەلەلەرگە بەيىمدىلىگىن كورسەتەتىنىن اتاپ ءوتتى.
وسىنداي ازاماتتاردى جەكە قابىلداۋ ءىس-شارالارى جالعاسىن تاۋىپ، ەلىمىزدىڭ بارلىق وڭىرلەرىن قامتيتىن بولادى.