وندىرۋشىلەر 7 جىلعا دەيىن كەپىلدىك بەرەدى
جاقىندا قازاقستاندا قىتايدىڭ ءۇش ءتۇرلى كولىگىن شىعاراتىن جاڭا زاۋىتتىڭ قۇرىلىسى باستالدى. اۆتوساراپشىلار بۇل جاڭالىقتى جاقسى قابىلدادى. سونداي-اق ولار اسپان استى ەلىنىڭ كولىكتەرىن ساتىپ الۋعا تۇرارلىق پا؟ باسقا برەندتەرمەن سالىستىرعاندا قانداي ارتىقشىلىعى بار؟
سوڭعى كەزدەرى قازاقستاندىقتار جۇڭگو اۆتوكولىكتەرىن كوپتەپ ساتىپ الىپ جاتىر. قازاقستان اۆتوبيزنەس قاۋىمداستىعىنىڭ مالىمەتىنشە، بيىل ون ايدا وتانداستارىمىز 97 737 كولىك ساتىپ السا، قازان ايىندا 9 870 جاڭا كولىك ساتىلعان. جۇڭگو كولىكتەرى ەڭ تانىمال برەند ماشينالاردىڭ قاتارىندا، دەپ حابارلايدى Almaty-akshamy.kz قازاقپاراتقا سىلتەمە جاساپ.
قازاقستاندىق اۆتوكولىك ساراپشىلارى قىتايدىڭ اۆتوونەركاسىبى قارقىندى دامىپ جاتىر دەپ ەسەپتەيدى. سونىمەن قاتار، قىتايلىقتار مودەلدەردى قاجەتتى فۋنكسيالارمەن جانە وپسيالارمەن جابدىقتاۋعا تىرىسادى. ولاردىڭ كولىكتەرى بۇگىندە ەۋروپالىق جانە جاپوندىق برەندتەردەن ەش كەم تۇسپەيدى، كەيدە ءتىپتى كەيبىر جاعىنان ولاردان اسىپ تۇسەدى.
«زا رۋلەم» جۋرنالىنىڭ باس رەداكتورى، اۆتوساراپشى الەكسەي الەكسەيەۆ جۇڭگو برەندتەرىنىڭ قازاقستاندا تانىمال بولۋى بىرنەشە سەبەپتەرگە بايلانىستى ەكەنىن ايتتى.
«ءقازىر الەمدە اۆتوموبيل ونەركاسىبىندەگى داعدارىس بار، بۇل چيپتەردىڭ تاپشىلىعىنا بايلانىستى. سوندىقتان بۇگىندە اۆتوسالونداردا كەزەكتە تۇرعانداردىڭ سانى ايتارلىقتاي. ولار جاڭا كولىكتەردى 6 ايدان 4 جىلعا دەيىن كۇتۋگە ءماجبۇر. قىتايلىق برەندتەردە مۇنداي پروبلەمالار جوق. وندىرۋشىلەر نارىققا قانشا قاجەت بولسا، سونشا جەتكىزۋگە دايىن. سوندىقتان ولار بىزدە تانىمالدىلىققا يە بولدى. ساتىلىم بويىنشا جۇڭگو كولىكتەرى العاشقى وندىققا كىرەدى»، - دەدى سپيكەر.
ونىڭ ايتۋىنشا، جۇڭگو كولىكتەرى زاماناۋي جانە جاقسى ديزاينمەن ەرەكشەلەنەدى. وندىرۋشىلەر 7 جىلعا دەيىن كەپىلدىك بەرەدى.
«سەنىمدىلىك تۇرعىسىنان مەن ءالى ەشتەڭە ايتا المايمىن. بارلىعىن ۋاقىت كورسەتەدى. ايتا كەتەيىن، قىتايلىق كولىكتەر تەحنولوگيالىق جاعىنان وتە دامىعان. ولاردا وپسيالاردىڭ ۇلكەن ءتىزىمى بار. كەيبىر تانىمال جانە قىمبات برەندتەردە بۇل ءتىپتى جوق»، - دەپ اتاپ ءوتتى اۆتوساراپشى.
الەكسەي الەكسەيەۆ قىتايلىق برەندتەردەن باس تارتۋعا ەشقانداي سەبەپ كورمەيدى، ءبىراق كولىك ساتىپ العاندا ءار ادام ءوز بەتىنشە تاڭداۋ جاساۋى كەرەك. ول قىتايلىق كولىكتەردىڭ ۇنەمدى ەكەنىن جانە قوسالقى بولشەكتەر تاپشىلىعىنان زارداپ شەكپەيتىنىن اتاپ ءوتتى.
«جالعىز نارسە - وتىمدىلىك ۋاقىتى. 3-5 جىل جۇرگەن كولىكتىڭ باعاسى قانشاعا تومەندەيدى ونى ازىرگە ەشكىم بىلمەيدى، - دەدى سپيكەر.
اۆتوبلوگەر دياز ءابىلقاسوۆتىڭ پىكىرىنشە، جۇڭگو اۆتويندۋسترياسى ديزايندا كرەاتيۆتى بولا باستادى.
«مەنىڭ ويىمشا، ديزاين جانە جابدىق جاعىنان جۇڭگو اۆتوموبيلدەرى جاھاندانۋدىڭ، اۆتوموبيل ونەركاسىبىنىڭ قۋاتتى دامۋىنىڭ ارقاسىندا ۇلكەن جەتىستىكتەرگە جەتتى، ءبىراق تەحنولوگيادا بەلگىلى ءبىر قيىندىقتار بار. مىسالى، ماشينانىڭ باعدارلاماسىن رەتتەۋ مەن تەستىلەۋدە. كوبىنەسە بەرىلىس قورابى مەن قوزعالتقىشتىڭ كەلىسىلگەن جۇمىسىن رەتتەۋ مۇمكىن ەمەس. وسىندا پروبلەمالار بار»، - دەپ اتاپ ءوتتى اۆتوبلوگەر.
دياز ءابىلقاسوۆ قىتايلىق برەندتەردىڭ جاقسى قوزعالتقىشتارعا، بەرىلىس قورابىنا، سونىڭ ىشىندە تولىق جەتەگىنە قول جەتكىزۋ وتە شەكتەۋلى ەكەنىن اتاپ ءوتتى. ەكى ليترگە دەيىنگى قوزعالتقىشتاردىڭ كوپشىلىگى تۋربوكومپرەسسورلى، ال كوپتەگەن تانىمال كروسسوۆەرلەر الدىڭعى دوڭگەلەكپەن جابدىقتالعان. بۇل جۇڭگو اۆتوموبيل ونەركاسىبىندە جوعارى ساپالى تولىق جەتەكتى جۇيەلەردىڭ جوقتىعىن كورسەتەدى، اتاپ ايتقاندا قوزعالتقىشتاردىڭ ارتۇرلىلىگى جوق.
«بۇل شاعىن كولەمدى قوزعالتقىشتار. جۇڭگو زاڭىنىڭ ەرەكشەلىكتەرىنە بايلانىستى: ولاردا قۋاتتى قوزعالتقىشى بار كولىكتەرگە سالىق وتە جوعارى. ولار شاعىن قوزعالتقىشتاردىڭ قۋات تاپشىلىعىنىڭ ورنىن تولتىرۋ ءۇشىن شاعىن موتوردى پايدالانادى»، - دەدى دياس ءابىلقاسوۆ.
سپيكەر قىتايلىق برەندتەردىڭ باعاسى جاعىنان قولايلى ەكەنىن اتاپ ءوتتى. ءقازىر قىتايلىق اۆتوكولىك ونەركاسىبىنىڭ ارتىقشىلىعى داعدارىس جاعدايىندا ولاردا جەتكىزۋدە پروبلەما جوق.
دياز ءابىلقاسوۆتىڭ سوزىنشە، جۇڭگو كولىكتەرىنىڭ ارتىقشىلىعى- زاماناۋي تارتىمدى ديزاينى مەن جابدىقتالۋى. كەمشىلىگى- قىتايلىق كولىكتەردىڭ رەسۋرسى مەن سەنىمدىلىگى تۋرالى اقپاراتتىڭ جوقتىعى.
«بۇل كوبىنەسە ءالسىز ينجەنەرلىك زەرتتەۋ، موديفيكاسيالاردىڭ شەكتەۋلى سانى، ياعني ترانسميسسيالار، قوزعالتقىشتار. ولاردىڭ تەحنيكالىق تولتىرىلۋى ءالسىز. قازاقستاندىقتاردى قورقىتاتىن باستى نارسەسى – كولىكتەردىڭ وتىمدىلىگى. تۇتىنۋشىلارىمىز بۇل كولىكتى قايتالاما نارىقتا قانشاعا ساتامىز، باعاسى قانشاعا جوعالادى دەپ ويلايدى»، - دەپ قوستى ول.
ال، تاۋەلسىز اۆتوكولىك وداعىنىڭ ءتوراعاسى ەدۋارد ەدوكوۆ قحر الەمدەگى ەڭ ءىرى اۆتوكولىك وندىرۋشىلەردىڭ بىرىنە اينالىپ كەلە جاتقانىن اتاپ ءوتتى.
«كەيبىر پوزيسيالار بويىنشا، مىسالى، ەلەكتر كولىكتەرىن وندىرۋدە جۇڭگو بۇكىل الەمدى باسىپ وزادى. قىتايدا جاسالعان ەلەكتروموبيلدەر ساپاسى مەن ونىمدىلىگى جاعىنان الەمدىك برەندتەردەن جوعارى. ال ىشتەن جاناتىن قوزعالتقىشى بار كولىكتەرگە كەلەتىن بولساق، جاعداي ءبىرشاما ناشار»، - دەدى ول.
ەدۋارد ەدوكوۆ جۇڭگو كولىگى نەعۇرلىم جاقسى بولسا، سوعۇرلىم قىمباتتايتىنىن ايتتى. نارىقتىڭ زاڭى سونداي، ساپالى ءونىم ارزان بولمايدى.
«ساتىپ الۋشىلار برەندتىڭ تاريحىنا، ءوندىرىس كولەمىنە، كەپىلدىك شارتتارىنا نازار اۋدارۋى كەرەك، ەگەر ولارعا ءبارى ۇناسا قىتايلىق كولىكتەردى ساتىپ الۋعا بولادى»، - دەيدى اۆتور.
بۇعان دەيىن بۇقارالىق اقپارات قۇرالدارىنىڭ ءبىرى قازاقستاندىق نارىقتا رەسمي ۇسىنىلعان قىتايلىق اۆتوكولىك برەندتەرىنىڭ سانى 2019 جىلعى 1،96%-دان 2022 جىلعى تامىزدا 6،55%-عا دەيىن وسكەنىن حابارلاۋدا.