وقيعا برازيليانىڭ سان-پاۋلۋ شتاتىنداعى باررەتۋش قالاسىندا بولدى
فۋتبولدان الەم چەمپيوناتىندا برازيليا جەڭىلىپ قالعاننان كەيىن جاپپاي توبەلەستە 17 جاسار قىز كوز جۇمىپ، ءۇش ادام زارداپ شەكتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
تاسس حابارلاۋىنشا، وقيعا برازيليانىڭ سان-پاۋلۋ شتاتىنداعى باررەتۋش قالاسىندا بولدى.
برازيليا – حورۆاتيا ماچى اياقتالعاننان كەيىن ساۋدا ورتالىعىندا جانجال تۋىنداپ، جاپپاي توبەلەسكە ۇلاسقان. جانجالداسقاندار ساۋدا ورتالىعى سىرتىندا اتىسقا دەيىن بارعان. سونىڭ سالدارىنان 17 جاسار قىز وق جاراقاتىنان قازا تاپتى. ال ونىڭ قۇربىسى وكپەسىنەن جاراقات العان.
پوليسيا مالىمەتىنە قاراعاندا، وق اتقان تورتەۋ اۆتوكولىكپەن وقيعا ورنىنان بوي تاسالاعان. جانجالدىڭ سەبەبى ناقتىلانباعان.
ەسكە سالا كەتەيىك، بۇدان بۇرىن برازيليانىڭ باس باپكەرى ورنىن بوساتقانىن جازعان بولاتىنبىز.
سونداي-اق ليونەل مەسسي الەم چەمپيوناتتارىنداعى ونىنشى گولىن سوقتى.
نيدەرلاند قۇراماسىن جولدان تايدىرعان ارگەنتينا جارتىلاي فينالعا شىقتى.
امەريكالىق جۋرناليست نيدەرلاند-ارگەنتينا ماچى كەزىندە كوز جۇمدى.