قازاقستان مۇناي جانە گاز ءوندىرۋشى ەل رەتىندە جاڭا گەوەكونوميكالىق جاعدايعا بەيىمدەلۋى كەرەك. بۇل تۋرالى ەلىمىزدىڭ الەۋمەتتىك-ەكونوميكالىق دامۋى جونىندەگى كەڭەستە مەملەكەت باسشىسى قاسىم-جومارت توقايەۆ ايتتى، دەپ حابارلايدى Almaty-akshamy.kz. قازاقپاراتقا سىلتەمە جاساپ.
«قازاقستان مۇناي جانە گاز ءوندىرۋشى ەل رەتىندە جاڭا گەوەكونوميكالىق جاعدايعا بەيىمدەلۋى كەرەك. ەكونوميكانى ءارتاراپتاندىرۋ – ۋاقىت تالابى ءارى ستراتەگيالىق مىندەت. ءبىز بۇل تۋرالى ۇنەمى ايتىپ ءجۇرمىز. ءبىراق ىسىمىزدەن ءسوزىمىز كوپ بولىپ تۇر. دەرەۋ ىسكە كوشپەسەك، الەمدىك باسەكەدە وزىق بولا المايمىز، ياعني الەم ەكونوميكاسىندا كوش سوڭىندا قالۋىمىزعا تۋرا كەلەدى. جاڭا عانا ەلىمىزدىڭ دامۋ بارىسى تۋرالى ۇكىمەتتىڭ ەسەبىن تىڭدادىق»، – دەدى قاسىم-جومارت توقايەۆ.