بۇل تۋرالى ەلىمىزدىڭ الەۋمەتتىك-ەكونوميكالىق دامۋى جونىندەگى كەڭەستە مەملەكەت باسشىسى قاسىم-جومارت توقايەۆ ايتتى، دەپ حابارلايدى Almaty-akshamy.kz.
«ءبىز ازاماتتاردىڭ قاجەتتىلىكتەرىن قامتاماسىز ەتۋگە باعىتتالعان شىنايى نارىقتىق ەكونوميكاعا كوشۋىمىز قاجەت. سوندىقتان الدىمىزدا كۇردەلى كەزەڭ تۇر. ءبىز قيىن-قىستاۋ زاماندا ءومىر ءسۇرىپ جاتىرمىز. ءداستۇرلى ەكونوميكالىق جانە لوگيستيكالىق بايلانىستار ءۇزىلىپ جاتىر. وعان قوسا ينفلياسيا شارىقتاپ تۇر»، – دەدى مەملەكەت باسشىسى.
پرەزيدەنت الەم ەكونوميكاسىنىڭ دامۋ قارقىنى تومەندەپ كەتكەنىن ەسكەرتتى.
«مەملەكەتتەر قارىزعا بەلشەدەن باتتى. ساۋدا-ساتتىققا كەدەرگى كوبەيەدى. سونداي-اق ەلدەردىڭ ءوزارا سەنىمى ازايىپ بارادى. مۇنىڭ ءبارى الەم ەكونوميكاسىنداعى قالىپتى جاعدايعا اينالدى. بۇدان بىلاي تابيعي بايلىق ەلىمىزدىڭ ورنىقتى دامۋىنا نەگىز بولا المايدى»، – دەدى قاسىم-جومارت توقايەۆ.