ق ر ەنەرگەتيكا ءمينيسترى بولات اقشولاقوۆ ءىرى مۇناي-گاز-حيميا كەشەندەرىنە ارنالعان ينۆەستيسيالار تۋرالى ايتتى.
بولات اقشولاقوۆ «KIOGE-2022» حالىقارالىق مۇناي جانە گاز كورمە-كونفەرەنسياسى بارىسىندا ەلىمىزدىڭ ەنەرگەتيكا سالاسىن دامىتۋدىڭ باسىم باعىتتارىنىڭ ءبىرى مۇناي-گاز-حيميا سالاسى ەكەنىن ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«جۋىردا اتىراۋ وبلىسىندا قۋاتى 500 مىڭ توننا بولاتىن پوليپروپيلەن ءوندىرۋ زاۋىتى ىسكە قوسىلادى. 2024 جىلى قاشاعان كەن ورنى شيكىزاتىنىڭ بازاسىندا قۋاتى 1 ملرد تەكشە مەتر گاز وڭدەۋ زاۋىتىنىڭ قۇرىلىس اياقتالادى. سونىمەن قاتار، قۋاتتىلىعى جىلىنا 1،2 ملن توننا پوليەتيلەن جانە جىلىنا 186 مىڭ توننا بۋتاديەن ءوندىرۋ جوبالارى ازىرلەۋ ساتىسىندا. وسى جوبالاردى جۇزەگە اسىرۋ اياسىندا 2025 جىلعا دەيىن شامامەن 14 ملرد اقش دوللارى كولەمىندە ينۆەستيسيا تارتىلىپ، 14 مىڭنان استام جۇمىس ورنى اشىلادى»، - دەدى مينيستر.
سونداي-اق ول قازاقستان مۇناي قورى مەن ءوندىرۋ بويىنشا الەمدە جەتەكشى ورىنداردىڭ بىرىندە ەكەنىن اتاپ ءوتتى. قازاقستان قازىرگى ۋاقىتتا مۇناي قورى بويىنشا الەمدەگى 15 ەلدىڭ قاتارىنا كىرەدى.
«30 جىل ىشىندە قازاقستاندا مۇناي ءوندىرۋ 3،5 ەسەگە جۋىق ءوستى – 1991 جىلعى 26،6 ميلليون توننادان 2019 جىلى 90،5 ميلليون تونناعا دەيىن. مۇناي ەكسپورتىنىڭ كولەمى شامامەن التى ەسەگە ءوستى. وسىنىڭ ارقاسىندا، وپەك+ دەرەكتەرى بويىنشا، قازاقستان مۇناي ەكسپورتتاۋشى 10 ەلدىڭ قاتارىنا ەندى»، - دەدى بولات اقشولاقوۆ.