قازاقستان مەن ۆەنگريا ساۋدا-ساتتىقتى ارتتىرۋدا

 قازاقستان مەن ۆەنگريانىڭ ەكىجاقتى تاۋار اينالىمى وڭ قارقىنمەن دامۋدا

پاندەمياعا قاراماستان، وسى جىلدىڭ 8 ايىندا عانا كورسەتكىش 12% ءوستى. تاراپتار ءوز كەزەگىندە ءوزارا ىنتىماقتاستىقتى ارتتىرۋعا نيەتتى، دەپ حابارلايدى Almaty-akshamy.kz

قازاقتان تاراپى ەكى ەل ازاماتتارىنىڭ ساپارلارىن جەڭىلدەتۋدى، «الماتى-بۋداپەشت» اۋە رەيسىن ىسكە قوسۋدى، سونداي-اق ۆەنگريادا QazVac ۆاكسيناسىن قولدانۋدى ۇسىندى. اۋىل شارۋاشىلىعى سالاسىندا ەلدەر بىردەن كەلەشەگى بار بىرنەشە باعىتتى، ونىڭ ىشىندە ءسۇتتى مال شارۋاشىلىعى مەن قۇس شارۋاشىلىعى، قوي شارۋاشىلىعى سالالارىن دامىتۋدى، سونداي-اق ۆەنگر سەلەكسياسىنىڭ جۇگەرى تۇقىمىن ءوندىرۋدى قاراستىرۋعا كەلىسىم جاساستى.

«تاۋار اعىنى ۇلكەن. ارينە، پاندەميا بارلىق ەلگە كەرى اسەرىن تيگىزدى. سوندىقتان ەكى ەل اراسىنداعى ساۋدا قاتىناستارى ءۇشىن ەكونوميكالىق جاعداي اسا قولايلى ەمەسس. الايدا ءقازىر ۆەنگريانىڭ ەكسپورتى ارتىپ كەلەدى جانە بۇل كورسەتكىش، وتكەن جىلمەن سالىستىرعاندا، 58% جوعارىلادى. ساۋدا-ساتتىق شامامەن 330 ملن دوللاردى قۇرايدى. مەن ونى ۇلكەن جەتىستىك دەپ سانايمىن. ءبىزدىڭ دەلەگاسيا قۇرامىندا 50 ۆەنگر كاسىپكەرى بار. ماقسات – ىسكەر توپتاردىڭ بەلسەندىلىگىن ارتتىرۋ. سوندىقتان قوس تاراپتان ارىپتەستەر تابىلىپ جاتسا، بۇل ىسكەرلىك بەلسەندىلىكتىڭ ارتۋىنا الىپ كەلەدى»، - دەيدى ۆەنگريا پرەمەر-مينيسترىنىڭ ورىنباسارى، قارجى ءمينيسترى ميحاي ۆارگا.