تۇركيا مەن قازاقستان - ماڭىزدى ساۋدا-ەكونوميكالىق جانە ينۆەستيسيالىق سەرىكتەستەر.
قازاقستان مەن تۇركيا ەكى ەل اراسىنداعى اۋە جولدارىنىڭ گەوگرافياسىن كەڭەيتۋگە جانە تۇراقتى رەيستەر سانىن ارتتىرۋعا نيەتتى. ەل پرەمەر-مينيسترى ءاليحان سمايىلوۆ پەن تۇركيا ۆيسە-پرەزيدەنتى فۋات وكتايدىڭ توراعالىعىمەن وتكەن ۇكىمەتارالىق كوميسسياسىنىڭ XII وتىرىسىندا تالقىلاندى، دەپ حابارلايدى Almaty-akshamy.kz
سونداي-اق باسىمدىق ترانزيتتىك-كولىك، ونەركاسىپ، تۋريزم، گەولوگيا، دەنساۋلىق ساقتاۋ جانە اگروونەركاسىپتىك كەشەن سالالارىنداعى ءوزارا ءىس-قيمىلدارعا بەرىلدى. تۇركيا – قازاقستاننىڭ ماڭىزدى ساۋدا-ەكونوميكالىق جانە ينۆەستيسيالىق سەرىكتەستەرىنىڭ ءبىرى. وتكەن جىلدىڭ قورىتىندىسى بويىنشا، ءوزارا تاۋار اينالىمى 33%-عا ءوسىپ، 4 ملرد 100 ملن دوللاردان استى. اتاپ ايتقاندا، 2021 جىلى قازاقستاننان تۇركياعا ەكسپورت كولەمى شامامەن 40%-عا وسكەنىن كورسەتتى. بۇگىنگى تاڭدا تۇرىك بيزنەسىنىڭ قاتىسۋىمەن قازاقستاندا جالپى قۇنى 5،5 ملرد دوللاردى قۇرايتىن ينۆەستيسيالىق جوبالار جۇزەگە اسىرىلىپ جاتىر.