بۇل تۋرالى ق ر ءبىلىم جانە عىلىم ءمينيسترى اسحات ايماعامبەتوۆ الەۋمەتتىك جەلىدەگى پاراقشاسىندا جاريالادى.
پرەزيدەنت قاسىم-جومارت توقايەۆتىڭ تۇركياعا مەملەكەتتىك ساپارى اياسىندا ەكى ەل ۇكىمەتتەرى اراسىندا ءبىلىم بەرۋ سالاسىنداعى ىنتىماقتاستىق تۋرالى كەلىسىمگە قول قويىلدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«كەلىسىمنىڭ باستى باعىتتارى: وقىتۋشىلاردىڭ، پەداگوگتەردىڭ جانە ءبىلىم بەرۋ ۇيىمدارى باسشىلارىنىڭ تاجىريبە الماسۋى. ءبىلىم بەرۋ سالاسىندا جاڭا تەحنولوگيالاردى قولدانۋ بويىنشا تاجىريبە الماسۋ. ءوزارا نەگىزدە ءبىلىم الۋشىلاردىڭ عىلىمي جانە مادەني جوبالارعا قاتىسۋىن ىنتالاندىرۋ. عىلىمي زەرتتەۋلەر مەن كونفەرەنسيالار وتكىزۋ. بىرلەسكەن باعدارلامالار نەگىزىندە ءبىلىم بەرۋ مەكەمەلەرى اراسىنداعى ىنتىماقتاستىقتى دامىتۋ. جاستار ساياساتى سالاسىنداعى ىنتىماقتاستىقتى دامىتۋ»، - دەپ جازادى مينيستر.
سونىمەن قاتار، قازاقستان مەن تۇركيا ءوز ۋنيۆەرسيتەتتەرىندە جوعارى جانە (نەمەسە) جوعارى وقۋ ورنىنان كەيىنگى ءبىلىم الۋ ءۇشىن ستيپەنديالار ۇسىنادى. مينيستر اتاپ وتكەندەي، ساپار بارىسىندا بيىل تۇركيادان قازاقستانعا وتكىزىلەتىن حالىقارالىق تۇركى اكادەمياسىنىڭ عىلىمي كەڭەسىنە ءتوراعالىق ەتۋ ماسەلەلەرى تالقىلاندى.
ەسكە سالساق، قازاقستان مەن تۇركيا قورعانىس ىنتىماقتاستىعىن تەرەڭدەتۋ جولدارىن تالقىلادى. قازاقستان مەن تۇركيا اراسىندا اسكەري ىنتىماقتاستىق تۋرالى كەلىسىمگە قول قويىلدى.