قاسىم-جومارت توقايەۆ اشحابادقا مەملەكەتتىك ساپارى بارىسىندا تۇرىكمەنستان پرەزيدەنتى گۋربانگۋلى بەردىمۇحامەدوۆپەن كەلىسسوز جۇرگىزدى
كەلىسسوزگە دەيىن تاۋەلسىزدىك الاڭىندا سالتاناتتى تۇردە رەسمي قارسى الۋ شاراسى ءوتتى، دەپ حابارلايدى Almaty-akshamy.kz قازاقپارات سايتىنا سىلتەمە جاساپ
قۇرمەت قاراۋىلىنىڭ باستىعى ەكى ەل باسشىلارىنا راپورت بەرىپ، قازاقستان مەن تۇرىكمەنستاننىڭ ءانۇراندارى شىرقالعاننان كەيىن قاسىم-جومارت توقايەۆ پەن گۋربانگۋلى بەردىمۇحامەدوۆ بىر-بىرىنە رەسمي دەلەگاسيالاردىڭ قۇرامىن تانىستىردى. سالتاناتتى راسىمنەن كەيىن شاعىن قۇرامدا كەزدەسۋ بولدى.
مەملەكەتتەر باسشىلارى ساياسي، ساۋدا-ەكونوميكالىق، كولىك-ترانزيت جانە مادەني-گۋمانيتارلىق سالالاردى كەڭەيتۋگە ەرەكشە كوڭىل بولە وتىرىپ، قازاق-تۇرىكمەن ستراتەگيالىق سەرىكتەستىگىنىڭ اۋقىمدى ماسەلەلەرىن تالقىلادى. سونىمەن قاتار جاھاندىق جانە ايماقتىق كۇن تارتىبىندەگى پروبلەمالار قاراستىرىلدى.
قازاقستان پرەزيدەنتى باۋىرلاس تۇرىكمەنستانعا مەملەكەتتىك ساپارمەن كەلۋگە شاقىرعانى ءۇشىن گۋربانگۋلى بەردىمۇحامەدوۆكە ريزاشىلىعىن ءبىلدىردى.