كوپىر 2024 جىلدىڭ ماۋسىم ايىندا ىسكە قوسىلادى.
جاڭا كوپىر ەلدىڭ شىعىس جانە سولتۇستىك وڭىرلەرى مەن كورشىلەس مەملەكەتپەن اراداعى تاۋار اينالىمى، جۇك جانە جولاۋشىلار تاسىمالى كولەمىن ارتتىرادى، دەپ حابارلايدى Almaty-akshamy.kz
تۇرىكمەنستان پرەزيدەنتى سەردار بەردىمۇحامەدوۆ ماڭىزدى كولىك ينفراقۇرىلىمى نىسانىنىڭ – «تۇرىكمەنباشى - گارابوگاز - قازاقستان شەكاراسى» اۆتوموبيل جولى بويىنداعى گارابوگاز كول شىعاناعى ارقىلى وتەتىن كوپىردىڭ ىرگەتاسىن قالاۋ راسىمىنە قاتىستى.
«زامان تالاپتارىن ەسكەرە وتىرىپ، گارابوگاز شىعاناعى ارقىلى وتەتىن اۆتوموبيل كوپىرىنىڭ قۇرىلىسىن باستاۋدى قولعا العان دۇرىس دەپ سانادىق. وسى جىلدىڭ 16 ماۋسىمىندا قابىلدانعان قاۋلىعا سايكەس، جالپى ۇزىندىعى 354 مەتر جانە ەنى 21 مەتر بولاتىن اۆتوموبيل كوپىرىنىڭ جوبالىق-سمەتالىق قۇجاتتاماسىن دايىنداۋ جانە سالۋ كوزدەلگەن. كوپىر تۇرىكمەنباشىدان گارابوگاز كول شىعاناعى ارقىلى قازاقستان شەكاراسىنا دەيىن اپاراتىن تاس جولدىڭ بويىندا سالىنادى»، دەپ اتاپ ءوتتى سەردار بەردىمۇحامەدوۆ.
وسىلايشا، كوپىر تۇرىكمەنستان، رەسەي، قازاقستان، يران مەن ءۇندىستاننىڭ جۇك تاسىمالداۋشىلارىنا تەڭىز، تەمىرجول جانە اۆتوموبيل كولىگىن پايدالانىپ، ەڭ قىسقا جولمەن سولتۇستىك جانە شىعىس ەۋروپا ەلدەرىنە شىعۋعا مۇمكىندىك بەرمەك.
اۆتوموبيل كوپىرى مەن ونى جەتكىزەتىن جولدار 2024 جىلدىڭ ماۋسىم ايىندا ىسكە قوسىلادى.
جول ءتورت جولاقتى بولادى – قازاقستان شەكاراسى باعىتىندا ءار جاققا ەكى جولاقتان. نىسان ەسكى كوپىردىڭ ورنىنا سالىنادى.
سونداي-اق، مۇندا ەنى ەكى مەتر بولاتىن جاياۋ جۇرگىنشىلەرگە ارنالعان جاساندى جارىقتاندىرۋ جانە قورشاۋ بولادى.
بۇعان دەيىن قازاقستان پرەزيدەنتى قاسىم-جوومارت توقايەۆ قازاقستان «تۇركمەنباشى – گارابوگاز – قازاقستان شەكاراسى» جاڭا اۆتوموبيل جولىنىڭ قۇرىلىسىن قولدايتىنىن مالىمدەگەن بولاتىن.