ەكى جاقتىڭ كەزدەسۋى قازاقستان رەسپۋبليكاسىنىڭ رەسەي فەدەراسياسىنداعى ساۋدا وكىلدىگىنىڭ جاردەمىمەن ۇيىمداستىرىلدى.
ق ر ساۋدا جانە ينتەگراسيا ۆيسە-مينيسترى قايرات تورەبايەۆ تاتارستان پرەمەر-مينيسترىنىڭ ورىنباسارى، اۋىل شارۋاشىلىعى جانە ازىق-تۇلىك ءمينيسترى مارات زيابباروۆپەن ونەركاسىپتىك كووپەراسيا مەن اگروونەركاسىپتەگى ىنتىماقتاستىقتىڭ كەلەشەگىن تالقىلادى، دەپ حابارلايدى Almaty-akshamy.kz اتالعان مينيسترلىكتىڭ باسپا ءسوز قىزمەتىنە سىلتەمە جاساپ.
اتاپ ايتقاندا، كووپەراسيا باعىتتارىنىڭ ءبىرى ءسۇتتى مال شارۋاشىلىعى سالاسىنداعى ىنتىماقتاستىق جانە قازاقستان اۋماعىندا ءسۇتتى تەرەڭ وڭدەۋ بويىنشا بىرلەسكەن جوبالاردى ىسكە اسىرۋ بولۋى مۇمكىن. ونىڭ ىشىندە شەكارا ماڭى ىنتىماقتاستىعىنىڭ حالىقارالىق ورتالىقتارى بازاسىندا.
تاراپتار سونداي-اق حالال جانە ورگانيكالىق ونىمدەردى ءوندىرۋ جانە ىلگەرىلەتۋ، سونداي-اق حالال/ورگانيك ونىمدەرىن سەرتيفيكاتتاۋ جانە اككرەديتتەۋ جۇيەلەرىن قۇرۋ سالاسىندا تاجىريبە الماسۋ جانە بىرلەسكەن جوبالاردى ىسكە اسىرۋ مۇمكىندىگىن تالقىلادى.
«ءبىز وسى باعىتتا بىرلەسە جۇمىس ىستەپ، حالال ونىمدەر بويىنشا ءبىرىڭعاي ستاندارتتاۋدى پىسىقتاۋىمىز كەرەك. ونىڭ ىشىندە ءۇشىنشى ەلدەردىڭ نارىعىنا شىعۋ مۇمكىندىگى ءۇشىن سايكەستىكتى تانۋ تۇرعىسىندا» – دەپ اتاپ ءوتتى قايرات تورەبايەۆ.
سونىمەن بىرگە، ەكى ەل اراسىنداعى ساۋدا-ەكونوميكالىق ىنتىماقتاستىقتىڭ جاي-كۇيى جانە ەكى جاقتى تاۋار اينالىمىن ارتتىرۋ الەۋەتى تالقىلاندى.
اتاپ ايتقاندا، قازاقستاندىق دەلەگاسيا تاتارستاننىڭ اۋىل شارۋاشىلىعى جانە ازىق-تۇلىك ءمينيسترىن قر-دان 396،3 ملن.دوللار سوماسىندا ەكسپورت نومەنكلاتۋراسىن كەڭەيتۋ مۇمكىندىگى تۋرالى حاباردار ەتتى.
ونىمدەر تىزبەسىنە ءتۇرلى سالالارداعى 100-دەن استام شيكىزاتتىق ەمەس تاۋارلار كىرەدى.
«ءبىز تاتارستانعا قازاقستاننان تاماق ونەركاسىبىنىڭ ونىمدەرىن، اتاپ ايتقاندا: شيكى راپس مايى، ماكارون ونىمدەرى، كۇرىش، قانت، كونديتەرلىك ونىمدەر جانە ت.ب. اكەلۋدى ۇيىمداستىرۋدى ۇلعايتۋ مۇمكىندىگىن قاراستىرۋدى ۇسىنامىز. قازاقستان ءىس جۇزىندە بارلىق سالالاردا ىنتىماقتاستىق مۇمكىندىكتەرىن كورىپ وتىر جانە تاتارستاندىق تۇتىنۋشىعا ساپالى تاۋارلاردىڭ كەڭ سپەكترىن ۇسىنۋعا دايىن»، - دەپ حابارلادى ق ر ساۋدا جانە ينتەگراسيا ۆيسە-مينيسترى.
تاراپتار سونداي-اق اۋىل شارۋاشىلىعى كووپەراسياسىن دامىتۋ جانە فەرمەرلىكتىڭ ساۋدا جەلىلەرىمەن ءتيىمدى ءوزارا ءىس-قيمىلىن قالىپتاستىرۋ تاجىريبەسىمەن الماستى، سونداي-اق الەۋمەتتىك ماڭىزى بار ازىق-تۇلىك تاۋارلارىنا باعالاردى تۇراقتاندىرۋدىڭ ءوزارا تاجىريبەسىن تالقىلادى. قايرات تورەبايەۆ تاتارستاندىق ارىپتەسىن ۇلتتىق تاۋار وتكىزۋ جۇيەسىن قۇرۋدىڭ قازاقستاندىق جوباسى تۋرالى حاباردار ەتتى.
كەزدەسۋ قورىتىندىسى بويىنشا تاۋار وتكىزۋ جۇيەلەرىن دامىتۋ بويىنشا «ساعاتتاردى سالىستىرۋ» ۋاعدالاستىعىنا قول جەتكىزىلدى. تاراپتار ساۋدا-ەكونوميكالىق ىنتىماقتاستىقتى كەڭەيتۋ جانە ءتۇرلى سالالاردا تاجىريبە الماسۋ جونىندەگى جول كارتاسىن ازىرلەۋ تۋرالى شەشىم قابىلدادى. جاقىن ارادا ساراپشىلىق دەڭگەيدە جۇمىس توبىن قۇرۋ جوسپارلانۋدا.