جىگىتتىڭ قولىندا بەلگىسىز سۇيىقتىعى بار ەكى شپريس بولعان جانە ول ونى پوليسەيگە سالىپ، ءوزى سەكىرىپ كەتەمىن دەپ قورقىتقان.
الماتىلىق پوليسەيلەر وزىنە-وزى قول سالماق بولعان جىگىتتى قۇتقارىپ قالدى، دەپ حابارلايدى Almaty-akshamy.kz Polisia.kz سايتىنا سىلتەمە جاساپ.
الماتى قالاسى مەدەۋ اۋداندىق پوليسياسى جەدەل باسقارۋ ورتالىعىنىڭ كەزەكشى بولىمىنە بيىك عيماراتتىڭ 16-قاباتىندا، بالكوننىڭ قورشاۋىندا ءبىر جىگىتتىڭ وتىرعاندىعى تۋرالى قوڭىراۋ كەلىپ تۇسەدى.
وقيعا ورنىنا كەلگەن ۋچاسكەلىك ينسپەكتورلار ايداربەك مارات پەن دۋمان ورازالييەۆ بالكونعا اپاراتىن ەسىكتىڭ جابىق ەكەنىن كورەدى. سوعان قاراماستان، ولار بالكونعا كىرىپ، جىگىتپەن سويلەسىپ، ونى مۇنداي قادامعا بارماۋعا كوندىردى. ايداربەك جىگىتتى اڭگىمەگە تارتىپ، كوڭىلىن اۋلاي باستادى. سول ساتتە دۋمان جىگىتكە جاقىنداۋعا تىرىستى. پوليسيا قىزمەتكەرلەرى اڭگىمە بارىسىندا ەر ادامدى ۇستاپ، ءقاۋىپسىز جەرگە اپارادى. دارىگەرلەر جىگىتكە العاشقى كومەك كورسەتتى. سودان كەيىن ونى ءتارتىپ ساقشىلارى پوليسيا باسقارماسىنا جەتكىزدى.