قازاقستان رەسپۋبليكاسى سىرتقى ىستەر مينيسترلىگىندە ق ر سىرتقى ىستەر ءمينيسترىنىڭ ورىنباسارى الىبەك باقايەۆ پەن شري-لانكا سىرتقى ىستەر ءمينيسترىنىڭ ءبىرىنشى ورىنباسارى ارۋني ۆيدجيەۆاردانە حانىمنىڭ توراعالىعىمەن قازاقستان-شري-لانكا ساياسي كونسۋلتاسيالارىنىڭ ەكىنشى راۋندى ءوتتى.
كەلىسسوزدەر بارىسىندا تاراپتار ەكىجاقتى ىنتىماقتاستىقتى دامىتۋدىڭ كەڭ اۋقىمدى ماسەلەلەرىن تالقىلاپ، حالىقارالىق جانە وڭىرلىك كۇن تارتىبىندەگى وزەكتى ماسەلەلەر بويىنشا پىكىر الماستى، دەپ حابارلايدى Almaty-akshamy.kz
سۇحباتتاسۋشىلار ساياسي، ساۋدا-ەكونوميكالىق جانە مادەني-گۋمانيتارلىق سالالارداعى قارىم-قاتىناستاردى ءارى قاراي دامىتۋعا ورتاق نيەتتەرىن راستادى.
ساياسي بايلانىستاردى كۇشەيتۋ قاجەتتىگىن اتاپ ءوتىپ، تاراپتار اعىمداعى جىلى جوعارى جانە جوعارعى دەڭگەيدەگى ەكىجاقتى ساپارلاردى ۇيىمداستىرۋعا قاتىستى پىكىر الماستى. شري-لانكا تاراپى جاقىن ارادا استانا قالاسىندا ءوزىنىڭ ديپلوماتيالىق ميسسياسىن اشۋ نيەتىن حابارلادى.
كەزدەسۋدىڭ قورىتىندىسى بويىنشا تاراپتار سىرتقى ساياسي ۆەدومستۆولار اراسىنداعى تىعىز ديالوگتى جالعاستىرۋعا كەلىسىپ، ەكىجاقتى كونسۋلتاسيالاردى تۇراقتى تۇردە وتكىزۋ قاجەتتىگىن اتاپ ءوتتى.