اسكەري-تەحنيكالىق سالادا اسكەري ىنتىماقتاستىق ورناتۋ مۇمكىندىگىن تالقىلادى
استاناعا حالىقارالىق ىنتىماقتاستىق دەپارتامەنتىنىڭ ديرەكتورى بريگادالىق گەنەرال يۋسەف بين ابدۋلراحمان ءال-تاسسان باستاعان ساۋد ارابياسى كورولدىگى قورعانىس مينيسترلىگىنىڭ دەلەگاسياسى كەلدى، دەپ حابارلايدى Almaty-akshamy.kz.
ءىس-شاراعا ساۋد ارابياسى كورولدىگىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى فەيسال حانيف ال-كاحتاني قاتىستى.
قورعانىس مينيسترلىگىندە دەلەگاسيانى قارۋلى كۇشتەر باس شتابى باستىعىنىڭ ورىنباسارى گەنەرال-مايور اسان ءجۇسىپوۆ قابىلدادى. سونداي-اق كەڭەيتىلگەن قۇرامدا قورعانىس مينيسترلىگى حالىقارالىق ىنتىماقتاستىق دەپارتامەنتىنىڭ باستىعى پولكوۆنيك ولجاس قۇسايىنوۆپەن كەزدەسۋ ءوتتى.
تاراپتار اسكەري ءبىلىم مەن عىلىم، جاۋىنگەرلىك دايىندىق جانە اسكەري-تەحنيكالىق سالادا اسكەري ىنتىماقتاستىق ورناتۋ مۇمكىندىگىن تالقىلادى. كەزدەسۋگە قاتىسۋشىلار اتاپ وتكەندەي، قورعانىس ۆەدومستۆولارى اراسىندا قارىم-قاتىناس ورناتۋدىڭ العاشقى قادامى ءتيىستى قۇقىقتىق بازانى قۇرۋ بولماق.
شەتەلدىك قوناقتار ۇلتتىق قورعانىس ۋنيۆەرسيتەتى مەن قارۋلى كۇشتەردىڭ مەملەكەتتىك اسكەري-تاريحي مۇراجايىندا بولدى.