كانن كينوفەستيۆالىندە قازاقستان پاۆيلونى اشىلدى

قازاقستان كينوپاۆيلونى كيىز ءۇي ىسپەتتەس

فرانسياداعى 76-شى حالىقارالىق كانن كينوفەستيۆالىندە قازاقستاندىق كينوپاۆيلون جۇمىس ىستەپ تۇر، دەپ حابارلايدى Almaty-akshamy.kz «حابار 24» تەلەارناسىنا سىلتەمە جاساپ. 

ول 16 مامىردان بەرى كورەرمەندەردى قابىلداپ جاتىر. دەگەنمەن سالتاناتتى اشىلۋ ءراسىمى بۇگىنگە جوسپارلانعان. رەسمي تۇردە وتەتىن پاۆيلوننىڭ تۇساۋكەسەرىنە مادەنيەت كوميتەتى كينەموتاگرافيا ءبولىمىنىڭ باسشىسى عاني مۇراتوۆ، قازاق ۇلتتىق ونەر ۋنيۆەرسيتەتىنىڭ رەكتورى، حالىق ءارتىسى ايمان مۇساحودجايەۆا جانە كانن سىيلىعىنىڭ لاۋرەاتى، اكتريسا سامال ەسلياموۆا قاتىسادى. 

جالپى قازاقستاندىق كينوپاۆيلون كيىز ءۇي ىسپەتتەس. وندا ەلىمىزدىڭ مادەنيەتىن تانىتاتىن بۇيىمدار ورنالاستىرىلعان. ال كينولەنتالار مەن جولاقتاردا وتاندىق فيلمدەردىڭ ۇزدىك كادرلارى بەينەلەنگەن. 

«بيىل كينوپاۆيلون ەرەكشە بەزەندىرىلدى. قازاقىلىقتىڭ ءيىسى اڭقىپ تۇر دەسەك بولادى. ال جالپى كينونارىقتا 20-دان استام ەلدىڭ كينويندۋستريا وكىلدەرى قاتىسىپ جاتىر. بۇل دەگەنىمىز – 200-دەن استام كينوپروديۋسەر ب ا ق سىنايدى دەگەن ءسوز. حالىقارالىق فەستيۆال قاتىسۋشىلارعا ۇلكەن مۇمكىندىك بەرەدى»، - دەدى ق ر مادەنيەت جانە سپورت مينيسترلىگى كوميتەتىنىڭ ءبولىم باسشىسى عاني مۇراتوۆ.