بۇل تۋرالى COVID-19 تارالۋىنا جول بەرمەۋ جونىندەگى ۆاك مالىمدەدى
قازاقستان مەن رەسەي ۆاكسينا پاسپورتتارىن ءوزارا تانۋ ماسەلەسى قاراستىرىلىپ جاتىر، دەپ حابارلايدى Almaty-akshamy.kz
قازاقستان مەن رەسەي فەدەراسياسىنىڭ دەنساۋلىق ساقتاۋ مينيسترلىكتەرى ۆاكسيناسيا پاسپورتتارىن ءوزارا تانۋ الگوريتمىن كەلىستى.
بۇعان دەيىن دەنساۋلىق ساقتاۋ مينيسترلىگى رەسەيلىك ارىپتەستەرىمەن بىرلەسىپ ۆاكسيناسيا تۋرالى قۇجاتتاردى تانۋ شارتتارى مەن ءتارتىبىن، اقپاراتتىق جۇيەلەردىڭ تەحنيكالىق مۇمكىندىكتەرى مەن جۇمىسىن قاراستىرعان بولاتىن.
قازىرگى ۋاقىتتا COVID-19-دان ۆاكسيناسيالانعان جانە اۋىرىپ جازىلعان ادامدار تۋرالى مالىمەتتەر الماسۋ بولىگىندە اقپاراتتىق جۇيەلەردىڭ ينتەگراسياسى ءجۇرىپ جاتىر.
وسى ماسەلە بويىنشا تاراپتار اراسىندا تۇبەگەيلى كەلىسپەۋشىلىكتەر جوق.
ەستەرىڭىزگە سالاتىن جايت، رەسەي فەدەراسياسىمەن ۆاكسينالاۋ پاسپورتتارىن ءوزارا تانۋ قاجەتتىلىگى ماسەلەسى بىرنەشە رەت جوعارى دەڭگەيدە كوتەرىلىپ، دەنساۋلىق ساقتاۋ مينيسترلىگى ەكىجاقتى تارتىپتە، سونداي-اق تمد، ەاەو الاڭدارىندا تالقىلاندى.