ەلىمىزدە ۇلتتىق عىلىمي ونكولوگيالىق ورتالىق عيماراتى سالىنىپ جاتىر
بۇگىن دەنساۋلىق ساقتاۋ ءمينيسترى اجار عينيات نۇر-سۇلتان قالاسىنداعى ۇلتتىق عىلىمي ونكولوگيالىق ورتالىق عيماراتىنىڭ سالىنىپ جاتقان ەكىنشى كورپۋسىنىڭ نىسانىن ارالاۋ بارىسىندا يننوۆاسيالىق كلينيكادا جۇمىس ىستەۋ ءۇشىن كادرلار دايارلاۋدى قولعا الۋدى تاپسىردى، دەپ حابارلايدى Almaty-akshamy.kz BAQ.KZ-كە سىلتەمە جاساپ.
دەنساۋلىق ساقتاۋ مينيسترلىگىنىڭ باسشىسىنا جەلىلىك ۇدەتكىشى بار پروتون ورتالىعى كورسەتىلدى، ونىڭ جانىندا مەديسينالىق پالاتالارى بار يادرولىق مەديسينا بولىمشەسى ۇيىمداستىرىلادى.
بۇدان ءارى ۆەدومستۆو باسشىسى 10 وپەراسيالىق بلوك، رەانيماسيالىق، كلينيكالىق-دياگنوستيكالىق جانە ونكوگەماتولوگيالىق بولىمشە ورنالاسقان ءۇي-جايلاردى قاراپ شىقتى.
ساۋلەلىك تەراپيا بولىمشەسىندە قۇرىلىس جۇمىستارى اياقتالعان سوڭ جانە مەديسينالىق جابدىقتارمەن جابدىقتالعاننان كەيىن ولاردىڭ جاي-كۇيىنىڭ ديناميكاسىن ۇنەمى قاداعالاپ وتىراتىن پاسيەنتتەرگە ساۋلەلىك تەراپيانىڭ بارلىق تۇرلەرى جۇرگىزىلەتىن بولادى. بۇل الگوريتمدى ۋاقتىلى تۇزەتۋگە جانە ەمدەۋدىڭ تيىمدىلىگىن ارتتىرۋعا مۇمكىندىك بەرەدى.
دسم باسشىسىنا جاڭا كورپۋستىڭ قۇرىلىسى بويىنشا جول كارتاسىن ىسكە اسىرۋ بارىسى تۋرالى باياندالدى، اتاپ ايتقاندا، ق ر دەنساۋلىق ساقتاۋ ۆيسە-مينيسترى جاندوس بۇركىتبايەۆ جوبانى ىسكە اسىرۋدىڭ اياقتالۋ جانە ونى جابدىقتارمەن قامتاماسىز ەتۋ مەرزىمدەرى تۋرالى حابارلادى.
قۇرىلىس ورنىنداعى كەڭەس بارىسىندا ا.عينيات "ورتالىقتى ۇستاۋ"، ونىڭ ىشىندە اۋرۋحانانى كادرلارمەن قامتاماسىز ەتۋ، اسىرەسە يادرولىق فيزيكا، يادرولىق قاۋىپسىزدىك سياقتى تاپشى باعىتتار بويىنشا ماسەلەلەردى شەشۋگە كىرىسۋدى، ولاردى جەدەل تۇردە دايىنداۋدى تاپسىردى.
بۇل ماڭىزدى الەۋمەتتىك نىساندى اسىرەسە ەل حالقى كۇتۋدە. قازاقستاندا جىل سايىن ونكولوگيالىق اۋرۋلاردىڭ 35 000-نان استام جاڭا جاعدايى انىقتالادى، ولاردىڭ ءبىر بولىگىنە كەش ساتىدا دياگنوستيكا جاسالادى. قازاقستاندىق پاسيەنتتەر وزدەرىنىڭ جاقىندارىنىڭ جانىندا ۇزدىك حالىقارالىق پراكتيكاعا سايكەس مامانداندىرىلعان ەم الا الادى، - دەپ اتاپ ءوتتى مينيستر.