وسى جىلدىڭ بەس ايىندا قازاقستان مەن جۇڭگو اراسىنداعى تەمىر جول كولىگىمەن تاسىمالداۋ كولەمى وتكەن جىلدىڭ سايكەس كەزەڭىمەن سالىستىرعاندا 12% ۇلعايىپ، 12،8 ملن توننانى قۇرادى.
بۇل رەتتە ەكسپورت 17%، ياعني 8 ملن تونناعا دەيىن ءوستى. قازاقستانعا تەمىر جول ارقىلى 4،8 ملن توننا جۇك اكەلىندى، بۇل كورسەتكىش 6% ارتتى، دەپ حابارلايدى Almaty-akshamy.kz.
وسى جىلدىڭ قاڭتار-مامىر ايلارى قورىتىندىسى بويىنشا التىنكول – قورعاس ستانسيالارى اراسىندا جۇكتەردى تاسىمالداۋ وتكەن جىلعى دەڭگەيگە قاراعاندا 7%، 5،3 ملن تونناعا دەيىن ۇلعايدى. دوستىق ستانسياسى ارقىلى قحر-عا جانە كەرى باعىتتا 7،4 ملن توننا جۇك بەرىلسە، بۇل وتكەن جىلعى كورسەتكىشتەن 17% جوعارى.